اصل خطرہ — شارق کیفی
شاعر
اصل خطرہ
نہیں یہ ممکن نہیں
یہ سب کار رائیگاں ہے
کہاں سے لائیں گے ہم بھلا اتنی گھنٹیاں
جتنی بلیاں ہیں
میں ایک بوڑھا اداس چوہا
بس اتنا کہہ کر
تمام کرتا ہوں بات اپنی
وہ صرف بلی نہیں جسے ہم کو دیکھنا ہے
وہ ایسا خطرہ نہیں ہے شاید
کہ اس کی ہر چال سے تو ہم پھر بھی آشنا ہیں
مگر وہ چوہا
گلے میں گھنٹی جو ڈال کر آئنے کے آگے کھڑا ہوا ہے
جو ایک تمغوں کی شکل میں اس کو دیکھتا ہے
وہ اصل خطرہ ہے
جس کا رکھنا ہے دھیان ہم کو
تمام
خونخوار بلیوں کی ہے روح اس میں
شارق کیفی
asl KHatra
nahīñ ye mumkin nahīñ
ye sab kār-e-rā.egāñ hai
kahāñ se lā.eñge ham bhalā itnī ghanTiyāñ
jitnī billiyāñ haiñ
maiñ ek būḌhā udaas chūhā
bas itnā kah kar
tamām kartā huuñ baat apnī
vo sirf billī nahīñ jise ham ko dekhnā hai
vo aisā ḳhatra nahīñ hai shāyad
ki us kī har chaal se to ham phir bhī āshnā haiñ
magar vo chūhā
gale meñ ghanTī jo Daal kar aa.ine ke aage khaḌā huā hai
jo ek tamġhoñ kī shakl meñ us ko dekhtā hai
vo asl ḳhatra hai
jis kā rakhnā hai dhyān ham ko
tamām
ḳhūñḳhār billiyoñ kī hai ruuh us meñ
شاعر کے بارے میں
شارق کیفی عہدِ حاضر کے اہم اردو شعرا میں شمار ہوتے ہیں جنہوں نے اپنی منفرد فکری بصیرت، سادہ مگر پُراثر اسلوب اور عصری شعور کے باعث ادبی دنیا میں نمایاں مقام حاصل کیا۔ 1961ء میں بریلی، اتر پردیش میں پیدا ہونے والے شارق کیفی کو ادبی ذوق اپنے خاندانی ماحول سے وراثت میں ملا۔ ان کے والد کیفی وجدانی (سید رفاقت حسین) خود ایک معتبر شاعر تھے، چنانچہ شعری...
مکمل تعارف پڑھیں