اب نہیں لوٹنا — شارق کیفی
شاعر
اب نہیں لوٹنا
میں بہت دور تھا
جب پکارا گیا حاضری کے لئے
ڈاکٹر
ایک ٹھنڈا بدن
تیز بجلی کے جھٹکے
اب مگر مجھ میں اس جسم کو
گرم کرنے کی کوئی بھی خواہش نہ تھی
زندگی کٹ گئی
ڈھونڈتے ڈھونڈتے وہ رجسٹر
کہ جس میں مرا نام موجود ہو
اور مری حاضری لگ سکے
پر کسی نے پکارا نہیں میرا نام
نہیں لوٹنا
اب مجھے اس زمیں پر نہیں لوٹنا
حاضری کے بغیر
اس زمیں سے مرا لوٹنا ہی یہ ثابت کرے گا
کہ میں اک فرشتہ تھا
اور اس جہاں میں غلط آ گیا تھا
شارق کیفی
ab nahin lauTna
maiñ bahut duur thā
jab pukārā gayā hāzirī ke liye
doctor
ek ThanDā badan
tez bijlī ke jhaTke
ab magar mujh meñ us jism ko
garm karne kī koī bhī ḳhvāhish na thī
zindagī kaT ga.ī
DhūñDte DhūñDte vo register
ki jis meñ mirā naam maujūd ho
aur mirī hāzirī lag sake
par kisī ne pukārā nahīñ merā naam
nahīñ lauTnā
ab mujhe is zamīñ par nahīñ lauTnā
hāzirī ke baġhair
is zamīñ se mirā lauTnā hī ye sābit karegā
ki maiñ ik farishta thā
aur is jahāñ meñ ġhalat aa gayā thā
شاعر کے بارے میں
شارق کیفی عہدِ حاضر کے اہم اردو شعرا میں شمار ہوتے ہیں جنہوں نے اپنی منفرد فکری بصیرت، سادہ مگر پُراثر اسلوب اور عصری شعور کے باعث ادبی دنیا میں نمایاں مقام حاصل کیا۔ 1961ء میں بریلی، اتر پردیش میں پیدا ہونے والے شارق کیفی کو ادبی ذوق اپنے خاندانی ماحول سے وراثت میں ملا۔ ان کے والد کیفی وجدانی (سید رفاقت حسین) خود ایک معتبر شاعر تھے، چنانچہ شعری...
مکمل تعارف پڑھیں