اچھی عادتوں کا بوجھ — شارق کیفی
شاعر
اچھی عادتوں کا بوجھ
منزلوں پر بوجھ ہو جاتی ہیں سب
رستہ کی اچھی عادتیں
جن میں شامل ہیں
مری نفرت سکوں سے
ایک اک پل کا حساب
ہر گھڑی محتاط آنکھیں
وہ نظر
جو دیکھ لیتی ہے بس اک لمحہ میں
کوئی چیز چھوٹی تو نہیں سامان میں
اور بہت تھوڑی سی نیند
اب بتاؤ
اتنی اچھی عادتوں کے ساتھ
کوئی منزلوں پر کیا کرے
منزلوں کا کیا کرے
شارق کیفی
achchhi ‘adaton ka bojh
manziloñ par bojh ho jaatī haiñ sab
raste kī achchhī 'ādateñ
jin meñ shāmil haiñ
mirī nafrat sukūñ se
ek ik pal kā hisāb
har ghaḌī mohtāt āñkheñ
vo nazar
jo dekh letī hai bas ik lamhe meñ
koī chiiz chhūTī to nahīñ sāmān meñ
aur bahut thoḌī sī niiñd
ab batāo
itnī achchhī ‘ādatoñ ke saath
koī manziloñ par kyā kare
manziloñ kā kyā kare
شاعر کے بارے میں
شارق کیفی عہدِ حاضر کے اہم اردو شعرا میں شمار ہوتے ہیں جنہوں نے اپنی منفرد فکری بصیرت، سادہ مگر پُراثر اسلوب اور عصری شعور کے باعث ادبی دنیا میں نمایاں مقام حاصل کیا۔ 1961ء میں بریلی، اتر پردیش میں پیدا ہونے والے شارق کیفی کو ادبی ذوق اپنے خاندانی ماحول سے وراثت میں ملا۔ ان کے والد کیفی وجدانی (سید رفاقت حسین) خود ایک معتبر شاعر تھے، چنانچہ شعری...
مکمل تعارف پڑھیں