اچھی اچھی باتیں دنیاداری والی — شارق کیفی
شاعر
اچھی اچھی باتیں دنیاداری والی
اچھی اچھی باتیں دنیاداری والی
ہم سے مت کر پیارے بات ہماری والی
دل ایسا ویران کہ جیسے کوئی صحرا
گھر میں ہلچل شادی کی تیاری والی
وہم نہیں یہ جس سے اپنا دھیان ہٹا لو
پکی سچی موت ہے یہ بیماری والی
خواب میں تجھ کو یوں چھونے سے ڈرتا ہوں میں
یہ خواہش ہے تیری حصہ داری والی
وصل کا دن ہے آج تو چھوڑو عقل چلانا
کل کر لیں گے باتیں ہم ہشیاری والی
شارق کیفی
achchhi-achchhi baaten duniya-dari wali
achchhī-achchhī bāteñ duniyā-dārī vaalī
ham se mat kar pyāre baat hamārī vaalī
dil aisā vīrān ki jaise koī sahrā
ghar meñ halchal shādī kī tayyārī vaalī
vahm nahīñ ye jis se apnā dhyān haTā lo
pakkī sachchī maut hai ye bīmārī vaalī
ḳhvāb meñ tujh ko yuuñ chhūne se Dartā huuñ maiñ
ye ḳhvāhish hai terī hisse-dārī vaalī
vasl kā din hai aaj to chhoḌo 'aql chalānā
kal kar leñge bāteñ ham hushyārī vaalī
شاعر کے بارے میں
شارق کیفی عہدِ حاضر کے اہم اردو شعرا میں شمار ہوتے ہیں جنہوں نے اپنی منفرد فکری بصیرت، سادہ مگر پُراثر اسلوب اور عصری شعور کے باعث ادبی دنیا میں نمایاں مقام حاصل کیا۔ 1961ء میں بریلی، اتر پردیش میں پیدا ہونے والے شارق کیفی کو ادبی ذوق اپنے خاندانی ماحول سے وراثت میں ملا۔ ان کے والد کیفی وجدانی (سید رفاقت حسین) خود ایک معتبر شاعر تھے، چنانچہ شعری...
مکمل تعارف پڑھیں