عجب مشکل ہے میری — شارق کیفی
شاعر
عجب مشکل ہے میری
مری دنیا بہت تیزی سے خالی ہو رہی ہے
عجب مشکل ہے میری
کسی کی آنکھ میں ہے کون سا چہرہ مرا یہ بھول جاتا ہوں
مگر الزام دینا حافظے کو بھی غلط ہوگا
یہ ممکن ہی نہیں ہے
کوئی اپنے سارے چہرے یاد رکھ پائے
نتیجہ یہ
کہ ہر جاتے ہوئے لمحے کے ہمراہ
مری تنہائی بڑھتی جا رہی ہے
میں اپنا ایک چہرہ بھولتا ہوں
اور تعلق ختم ہو جاتا ہے کوئی
شارق کیفی
ajab mushkil hai meri
mirī duniyā bahut tezī se ḳhālī ho rahī hai
ajab mushkil hai merī
kisī kī aañkh meñ hai kaun sā chehra mirā ye bhuul jaatā huuñ
magar ilzām denā hāfize ko bhī ġhalat hogā
ye mumkin hī nahīñ hai
koī apne saare chehre yaad rakh paa.e
natīja ye
ki har jaate hue lamhe ke ham-rāh
mirī tanhā.ī baḌhtī jā rahī hai
maiñ apnā ek chehra bhūltā huuñ
aur ta.alluq ḳhatm ho jaatā hai koī
شاعر کے بارے میں
شارق کیفی عہدِ حاضر کے اہم اردو شعرا میں شمار ہوتے ہیں جنہوں نے اپنی منفرد فکری بصیرت، سادہ مگر پُراثر اسلوب اور عصری شعور کے باعث ادبی دنیا میں نمایاں مقام حاصل کیا۔ 1961ء میں بریلی، اتر پردیش میں پیدا ہونے والے شارق کیفی کو ادبی ذوق اپنے خاندانی ماحول سے وراثت میں ملا۔ ان کے والد کیفی وجدانی (سید رفاقت حسین) خود ایک معتبر شاعر تھے، چنانچہ شعری...
مکمل تعارف پڑھیں