عجب شکست کا احساس دل پہ چھایا تھا — شارق کیفی
شاعر
عجب شکست کا احساس دل پہ چھایا تھا
عجب شکست کا احساس دل پہ چھایا تھا
کسی نے مجھ کو نشانا نہیں بنایا تھا
اسی نگاہ نے آنکھوں کو کر دیا پتھر
اسی نگاہ میں سب کچھ نظر بھی آیا تھا
یہاں تو ریت ہے پتھر ہیں اور کچھ بھی نہیں
وہ کیا دکھانے مجھے اتنی دور لایا تھا
الجھ گیا ہوں کچھ ایسا کہ یاد بھی تو نہیں
یہ وہم پہلے پہل کیسے دل میں آیا تھا
وہ میں نہیں تھا تمہاری طرف سرکتا ہوا
ہوس نے تیرگی کا فائدہ اٹھایا تھا
بچھڑنا اتنا ہی آسان تھا اگر اس سے
تو خودکشی کا یہ سامان کیوں جٹایا تھا
گلا تو آج بھی سچائی ہے مگر شارقؔ
یہ جھوٹ اس سے میں پہلے ہی بول آیا تھا
شارق کیفی
ajab shikast ka ehsas dil pe chhaya tha
ajab shikast kā ehsās dil pe chhāyā thā
kisī ne mujh ko nishānā nahīñ banāyā thā
usī nigāh ne āñkhoñ ko kar diyā patthar
usī nigāh meñ sab kuchh nazar bhī aayā thā
yahāñ to ret hai patthar haiñ aur kuchh bhī nahīñ
vo kyā dikhāne mujhe itnī duur laayā thā
ulajh gayā huuñ kuchh aisā ki yaad bhī to nahīñ
ye vahm pahle-pahal kaise dil meñ aayā thā
vo maiñ nahīñ thā tumhārī taraf saraktā huā
havas ne tīrgī kā fā.eda uThāyā thā
bichhaḌnā itnā hī āsān thā agar us se
to ḳhud-kushī kā ye sāmān kyuuñ juTāyā thā
gilā to aaj bhī sachchā.ī hai magar 'shāriq'
ye jhuuT us se meñ pahle hī bol aayā thā
شاعر کے بارے میں
شارق کیفی عہدِ حاضر کے اہم اردو شعرا میں شمار ہوتے ہیں جنہوں نے اپنی منفرد فکری بصیرت، سادہ مگر پُراثر اسلوب اور عصری شعور کے باعث ادبی دنیا میں نمایاں مقام حاصل کیا۔ 1961ء میں بریلی، اتر پردیش میں پیدا ہونے والے شارق کیفی کو ادبی ذوق اپنے خاندانی ماحول سے وراثت میں ملا۔ ان کے والد کیفی وجدانی (سید رفاقت حسین) خود ایک معتبر شاعر تھے، چنانچہ شعری...
مکمل تعارف پڑھیں