انا کا کون سا چہرہ تھا وہ — شارق کیفی
شاعر
انا کا کون سا چہرہ تھا وہ
انا کا کون سا چہرہ تھا وہ
میں یہ سمجھ پایا نہیں ہوں آج تک
خبر یہ آئی تھی
طبیعت رات سے بہتر ہے کچھ اس وقت ان کی
مجھے یہ بات سن کر تو خوشی سے جھوم اٹھنا چاہیے تھا
مگر میں چپ کھڑا تھا
یہ شاید وہ نہیں تھا جو میں سننا چاہتا تھا
تو کیا اس خاص پل میں
میں ان کی موت کا خواہاں تھا
اور وہ بھی اس ذرا سی بات پر
کہ میں نے رات یوں ہی دوستوں کے بیچ میں یہ کہہ دیا تھا
مجھے آثار کچھ اچھے نہیں لگتے
سویرے تک بھی یہ زندہ اگر رہ جائیں تو جانو
کہا پورا نہ ہونے کی مری
بے عزتی
کسی کی جان سے بڑھ کر بھی ہو سکتی ہے
مجھ کو یہ نہیں معلوم تھا
شارق کیفی
ana ka kaun sa chehra tha wo
anā kā kaun sā chehra thā vo
maiñ ye samajh paayā nahīñ huuñ aaj tak
ḳhabar ye aa.ī thī
tabī'at raat se behtar hai kuchh is vaqt un kī
mujhe ye baat sun kar to ḳhushī se jhuum uThnā chāhiye thā
magar maiñ chup khaḌā thā
ye shāyad vo nahīñ thā jo maiñ sunñā chāhtā thā
to kyā is ḳhaas pal meñ
maiñ un kī maut kā ḳhvāhāñ thā
aur vo bhī is zarā sī baat par
ki maiñ ne raat yūñhī dostoñ ke biich meñ ye kah diyā thā
mujhe āsār kuchh achchhe nahīñ lagte
savere tak bhī ye zinda agar rah jaa.eñ to jaano
kahā puurā na hone kī mirī
be'izzatī
kisī kī jaan se baḌh kar bhī ho saktī hai
mujh ko ye nahīñ mā'lūm thā
شاعر کے بارے میں
شارق کیفی عہدِ حاضر کے اہم اردو شعرا میں شمار ہوتے ہیں جنہوں نے اپنی منفرد فکری بصیرت، سادہ مگر پُراثر اسلوب اور عصری شعور کے باعث ادبی دنیا میں نمایاں مقام حاصل کیا۔ 1961ء میں بریلی، اتر پردیش میں پیدا ہونے والے شارق کیفی کو ادبی ذوق اپنے خاندانی ماحول سے وراثت میں ملا۔ ان کے والد کیفی وجدانی (سید رفاقت حسین) خود ایک معتبر شاعر تھے، چنانچہ شعری...
مکمل تعارف پڑھیں