اپنے تماشے کا ٹکٹ — شارق کیفی
شاعر
اپنے تماشے کا ٹکٹ
یہ خواہش تو
ہمارے شہر کے چڑیا گھروں کے شیر بھی شاید نہیں کرتے
کہ ساتھی شیر ان کو دیکھنے آئیں
ٹکٹ لے کر تماشے کی طرح
تماشا بن کے یہ جینے کی مجبوری
کہیں شرمندگی کی شکل میں منہ پر چھپی رہتی ہیں ان کے
مگر انسان؟
اس کا بس نہیں چلتا
کہ سر کے بل کھڑے ہو کر توجہ کھینچ لے سب کی
وہی انساں
جو خود کو اشرف و افضل سمجھتا ہے
اگر ممکن ہو تو
اپنے تماشے کے ٹکٹ
خود اپنے ہاتھوں دوسروں کو بیچ سکتا ہے
شارق کیفی
apne tamashe ka ticket
ye ḳhvāhish to
hamāre shahr ke chiḌiyā-gharoñ ke sher bhī shāyad nahīñ karte
ki sāthī sher un ko dekhne aa.eñ
ticket le kar tamāshe kī tarah
tamāshā ban ke ye jiine kī majbūrī
kahīñ sharmindagī kī shakl meñ muñh par chhapī rahtī haiñ un ke
magar insān?
us kā bas nahīñ chaltā
ki sar ke bal khaḌe ho kar tavajjoh khīñch le sab kī
vahī insāñ
jo ḳhud ko ashraf-o-afzal samajhtā hai
agar mumkin ho to
apne tamāshe ke ticket
ḳhud apne hāthoñ dūsroñ ko bech saktā hai
شاعر کے بارے میں
شارق کیفی عہدِ حاضر کے اہم اردو شعرا میں شمار ہوتے ہیں جنہوں نے اپنی منفرد فکری بصیرت، سادہ مگر پُراثر اسلوب اور عصری شعور کے باعث ادبی دنیا میں نمایاں مقام حاصل کیا۔ 1961ء میں بریلی، اتر پردیش میں پیدا ہونے والے شارق کیفی کو ادبی ذوق اپنے خاندانی ماحول سے وراثت میں ملا۔ ان کے والد کیفی وجدانی (سید رفاقت حسین) خود ایک معتبر شاعر تھے، چنانچہ شعری...
مکمل تعارف پڑھیں