اصل صورت چھپانے والے برے — شارق کیفی
شاعر
اصل صورت چھپانے والے برے
اصل صورت چھپانے والے برے
ہر گھڑی مسکرانے والے برے
اک عجب کشمکش میں پڑ گیا ہوں
میں کہ سارے زمانے والے برے
تیر تیرا لگے کسی کو تو واہ
تجھ پہ گولی چلانے والے برے
سب کا نشہ اتار دیتے ہیں
زور کا دم لگانے والے برے
کچھ ہمارا بھی دھیان اور کہیں
کچھ کہانی سنانے والے برے
ایک اک نام کیا گناؤں میں
سب ترے ساتھ جانے والے برے
حسن کی ذات ایک ہوتی ہے
تو ترے سب گھرانے والے برے
شارق کیفی
asl surat chhupane wale bure
asl sūrat chhupāne vaale bure
har ghaḌī muskurāne vaale bure
ik 'ajab kashmakash meñ paḌ gayā huuñ
maiñ ki saare zamāne vaale bure
tiir terā lage kisī ko to vaah
tujh pe golī chalāne vaale bure
sab kā nashsha utaar dete haiñ
zor kā dam lagāne vaale bure
kuchh hamārā bhī dhyān aur kahīñ
kuchh kahānī sunāne vaale bure
ek ik naam kyā ginā.ūñ maiñ
sab tire saath jaane vaale bure
husn kī zaat ek hotī hai
tū tire sab gharāne vaale bure
شاعر کے بارے میں
شارق کیفی عہدِ حاضر کے اہم اردو شعرا میں شمار ہوتے ہیں جنہوں نے اپنی منفرد فکری بصیرت، سادہ مگر پُراثر اسلوب اور عصری شعور کے باعث ادبی دنیا میں نمایاں مقام حاصل کیا۔ 1961ء میں بریلی، اتر پردیش میں پیدا ہونے والے شارق کیفی کو ادبی ذوق اپنے خاندانی ماحول سے وراثت میں ملا۔ ان کے والد کیفی وجدانی (سید رفاقت حسین) خود ایک معتبر شاعر تھے، چنانچہ شعری...
مکمل تعارف پڑھیں