بڑا ہے دکھ سو حاصل ہے یہ آسانی مجھے — شارق کیفی
شاعر
بڑا ہے دکھ سو حاصل ہے یہ آسانی مجھے
بڑا ہے دکھ سو حاصل ہے یہ آسانی مجھے
کہ ہمت ہی نہیں کچھ یاد کرنے کی مجھے
چلا آتا ہے چپکے سے رضائی میں مری
بری لگتی ہے سورج کی یہ بے باکی مجھے
چھپاتا پھر رہا ہوں خود کو میں کس سے یہاں
اگر پہچاننے والا نہیں کوئی مجھے
گزر جائے گی ساری زندگی امید میں
نہ جینے دے گی یہ جینے کی تیاری مجھے
اگر کم بولتا ہوں میں تو کیوں بے چین ہو
تمہیں سے تو لگی ہے چپ کی بیماری مجھے
اچانک کچھ ہوا ہوتا تو کوئی بات تھی
نہ جانے کیوں ہوئی اس درجہ حیرانی مجھے
شارق کیفی
baDa hai dukh so hasil hai ye aasani mujhe
baḌā hai dukh so hāsil hai ye āsānī mujhe
ki himmat hī nahīñ kuchh yaad karne kī mujhe
chalā aatā hai chupke se razā.ī meñ mirī
burī lagtī hai sūraj kī ye bebākī mujhe
chhupātā phir rahā huuñ ḳhud ko maiñ kis se yahāñ
agar pahchānñe vaalā nahīñ koī mujhe
guzar jā.egī saarī zindagī ummīd meñ
na jiine degī ye jiine kī tayyārī mujhe
agar kam boltā huuñ maiñ to kyuuñ bechain ho
tumhīñ se to lagī hai chup kī bīmārī mujhe
achānak kuchh huā hotā to koī baat thī
na jaane kyuuñ huī is darja hairānī mujhe
شاعر کے بارے میں
شارق کیفی عہدِ حاضر کے اہم اردو شعرا میں شمار ہوتے ہیں جنہوں نے اپنی منفرد فکری بصیرت، سادہ مگر پُراثر اسلوب اور عصری شعور کے باعث ادبی دنیا میں نمایاں مقام حاصل کیا۔ 1961ء میں بریلی، اتر پردیش میں پیدا ہونے والے شارق کیفی کو ادبی ذوق اپنے خاندانی ماحول سے وراثت میں ملا۔ ان کے والد کیفی وجدانی (سید رفاقت حسین) خود ایک معتبر شاعر تھے، چنانچہ شعری...
مکمل تعارف پڑھیں