بہروپیا — شارق کیفی
شاعر
بہروپیا
انوکھا اور نیا غم شرط ہے کوئی
تمہارے خودکشی کرنے کی
تو پھر بھول جاؤ
یہاں تو بس وہی غم ہیں
پرانے غم
کہ جن سے کام یہ دنیا چلاتی آ رہی ہے
مگر تم ہو کہ ہنس دیتے ہو ان پر
اگر یہ غم تمہیں غم ہی نہیں لگتے
کہ محبوبہ تمہاری بے وفا ہے
کہ وہ بچہ
چھٹی جس کی منانا تھی تمہیں آج
ناک میں ہے آکسیجن ٹیوب اس کے
تو پھر یہ گولیاں سلفاس کی بیکار میں تم جیب میں رکھے ہوئے ہو
انہیں جا کر اسی کٹھیا میں رکھ آؤ
کہ جس میں کل ہی تم نے سال بھر کے واسطے گیہوں بھرا ہے
شارق کیفی
bahrupiya
anokhā aur nayā ġham shart hai koī
tumhāre ḳhud-kushī karne kī
to phir bhuul jaao
yahāñ to bas vahī ġham haiñ
purāne ġham
ki jin se kaam ye duniyā chalātī aa rahī hai
magar tum ho ki hañs dete ho un par
agar ye ġham tumheñ ġham hī nahīñ lagte
ki mahbūba tumhārī bevafā hai
ki vo bachcha
chhaTī jis kī manānā thī tumheñ aaj
naak meñ hai oxygen tube us ke
to phir ye goliyāñ salfas kī be-kār meñ tum jeb meñ rakkhe hue ho
inheñ jā kar usī kaThiyā meñ rakh aao
ki jis meñ kal hī tum ne saal bhar ke vāste gehūñ bharā hai
شاعر کے بارے میں
شارق کیفی عہدِ حاضر کے اہم اردو شعرا میں شمار ہوتے ہیں جنہوں نے اپنی منفرد فکری بصیرت، سادہ مگر پُراثر اسلوب اور عصری شعور کے باعث ادبی دنیا میں نمایاں مقام حاصل کیا۔ 1961ء میں بریلی، اتر پردیش میں پیدا ہونے والے شارق کیفی کو ادبی ذوق اپنے خاندانی ماحول سے وراثت میں ملا۔ ان کے والد کیفی وجدانی (سید رفاقت حسین) خود ایک معتبر شاعر تھے، چنانچہ شعری...
مکمل تعارف پڑھیں