بارات کا گھوڑا — شارق کیفی
شاعر
بارات کا گھوڑا
خدا
تو نے مجھے گھوڑا بنایا تو
مگر بارات کا
جس کے آگے ناچتے رہتے ہیں لوگ
نوٹ دانتوں میں دبائے
کیا نظر میں ہیں تری وہ ظلم
جو مجھ پر ہوئے ہیں اس کرم کی آڑ میں
ریس کے میدان کے بدلے
کسی منڈپ تلک کا یہ سفر
کتنا تھکا دیتا ہے مجھ کو
کیا تجھے معلوم ہے
کیا تجھے معلوم ہے دولہے کا بوجھ
اس کو بیٹھانے کی ذمہ داریاں
اور اس پر اس قدر حساس دل
جو سمجھ سکتا ہے اس دن کے معانی کیا ہیں دولہے کے لیے
کوئی کیسا بھی پٹاخہ چھوڑ دے پیروں میں میرے
شور سے باجے کے میرے کان بھی پھٹ جائیں تو کیا
چال میں اپنی ذرا سا فرق میں آنے نہ دوں گا
پیٹھ پر بیٹھے ہوئے دولہے کی عزت میری عزت
ہاں مگر یہ بھی خیال آتا ہے اکثر
میں تو ہر ذلت اٹھا کر
اپنی ذمہ داریاں پوری کروں گا اور کرتا آ رہا ہوں
تو مگر کب اس طرح سوچے گا اس مخلوق کے بارے میں
جو تیری اماں میں ہے
شارق کیفی
baraat ka ghoDa
ḳhudā
tū ne mujhe ghoḌā banāyā to
magar bārāt kā
jis ke aage nāchte rahte haiñ log
note dāñtoñ meñ dabā.e
kyā nazar meñ haiñ tirī vo zulm
jo mujh par hue haiñ is karam kī aaḌ meñ
race ke maidān ke badle
kisī manDap talak kā ye safar
kitnā thakā detā hai mujh ko
kyā tujhe mā'lūm hai
kyā tujhe mā'lūm hai dūlhe kā bojh
us ko baiThāne kī zimmedāriyāñ
aur us par is qadar hassās dil
jo samajh saktā hai is din ke ma'ānī kyā haiñ dūlhe ke liye
koī kaisā bhī paTāḳha chhoḌ de pairoñ meñ mere
shor se baaje ke mere kaan bhī phaT jaa.eñ to kyā
chaal meñ apnī zarā sā farq maiñ aane na dūñgā
piiTh par baiThe hue dūlhe kī 'izzat merī 'izzat
haañ magar ye bhī ḳhayāl aatā hai aksar
maiñ to har zillat uThā kar
apnī zimmedāriyāñ puurī karūñgā aur kartā aa rahā huuñ
tū magar kab is tarah sochegā us maḳhlūq ke baare meñ
jo terī amaañ meñ hai
شاعر کے بارے میں
شارق کیفی عہدِ حاضر کے اہم اردو شعرا میں شمار ہوتے ہیں جنہوں نے اپنی منفرد فکری بصیرت، سادہ مگر پُراثر اسلوب اور عصری شعور کے باعث ادبی دنیا میں نمایاں مقام حاصل کیا۔ 1961ء میں بریلی، اتر پردیش میں پیدا ہونے والے شارق کیفی کو ادبی ذوق اپنے خاندانی ماحول سے وراثت میں ملا۔ ان کے والد کیفی وجدانی (سید رفاقت حسین) خود ایک معتبر شاعر تھے، چنانچہ شعری...
مکمل تعارف پڑھیں