برسوں جنوں صحرا صحرا بھٹکاتا ہے — شارق کیفی
شاعر
برسوں جنوں صحرا صحرا بھٹکاتا ہے
برسوں جنوں صحرا صحرا بھٹکاتا ہے
گھر میں رہنا یوں ہی نہیں آ جاتا ہے
پیاس اور دھوپ کے عادی ہو جاتے ہیں ہم
جب تک دشت کا کھیل سمجھ میں آتا ہے
عادت تھی سو پکار لیا تم کو ورنہ
اتنے کرب میں کون کسے یاد آتا ہے
موت بھی اک حل ہے تو مسائل کا لیکن
دل یہ سہولت لیتے ہوئے گھبراتا ہے
اک تم ہی تو گواہ ہو میرے ہونے کے
آئینہ تو اب بھی مجھے جھٹلاتا ہے
اف یہ سزا یہ تو کوئی انصاف نہیں
کوئی مجھے مجرم ہی نہیں ٹھہراتا ہے
کیسے کیسے گناہ کئے ہیں خوابوں میں
کیا یہ بھی میرے ہی حساب میں آتا ہے
شارق کیفی
barson junun sahra sahra bhaTkata hai
barsoñ junūñ sahrā sahrā bhaTkātā hai
ghar meñ rahnā yūñhī nahīñ aa jaatā hai
pyaas aur dhuup ke aadī ho jaate haiñ ham
jab tak dasht kā khel samajh meñ aatā hai
aadat thī so pukār liyā tum ko varna
itne karb meñ kaun kise yaad aatā hai
maut bhī ik hal hai to masā.il kā lekin
dil ye suhūlat lete hue ghabrātā hai
ik tum hī to gavāh ho mere hone ke
ā.īna to ab bhī mujhe jhuTlātā hai
uf ye sazā ye to koī insāf nahīñ
koī mujhe mujrim hī nahīñ Thahrātā hai
kaise kaise gunāh kiye haiñ ḳhvāboñ meñ
kyā ye bhī mere hī hisāb meñ aatā hai
شاعر کے بارے میں
شارق کیفی عہدِ حاضر کے اہم اردو شعرا میں شمار ہوتے ہیں جنہوں نے اپنی منفرد فکری بصیرت، سادہ مگر پُراثر اسلوب اور عصری شعور کے باعث ادبی دنیا میں نمایاں مقام حاصل کیا۔ 1961ء میں بریلی، اتر پردیش میں پیدا ہونے والے شارق کیفی کو ادبی ذوق اپنے خاندانی ماحول سے وراثت میں ملا۔ ان کے والد کیفی وجدانی (سید رفاقت حسین) خود ایک معتبر شاعر تھے، چنانچہ شعری...
مکمل تعارف پڑھیں