بستی بری نہیں یہ ہمارے قیاس میں — شارق کیفی
شاعر
بستی بری نہیں یہ ہمارے قیاس میں
بستی بری نہیں یہ ہمارے قیاس میں
اچھی ہیں لڑکیاں بھی یہاں آس پاس میں
وحشت میں کچھ زیادہ ہی چھلکا دیا اسے
پورا ڈھلا نہیں وہ ہمارے گلاس میں
ہر وقت زندگی کا اڑاتے بھی ہیں مذاق
اور ڈھیر سی دوائیں بھی رکھتے ہیں پاس میں
اس موت کی مہک کو چھپائیں تو کس طرح
کافور کی بسی ہے ہمارے لباس میں
بے خوف مل کہ اب کوئی خطرہ نہیں رہا
ٹھہراؤ آ گیا ہے ترے دیوداس میں
مدت کے بعد صحرا پہ چھایا تھا کوئی ابر
گھبرا گئے جو تھوڑی کمی آئی پیاس میں
شارق کیفی
basti buri nahin ye hamare qayas mein
bastī burī nahīñ ye hamāre qayās meñ
achchhī haiñ laḌkiyāñ bhī yahāñ ās-pās meñ
vahshat meñ kuchh ziyāda hī chhalkā diyā use
puurā Dhalā nahīñ vo hamāre gilās meñ
har vaqt zindagī kā uḌāte bhī haiñ mazāq
aur Dher sī davā.eñ bhī rakhte haiñ paas meñ
is maut kī mahak ko chhupā.eñ to kis tarah
kāfūr kī basī hai hamāre libās meñ
be-ḳhauf mil ki ab koī ḳhatra nahīñ rahā
Thahrāv aa gayā hai tire devdās meñ
muddat ke baa'd sahrā pe chhāyā thā koī abr
ghabrā ga.e jo thoḌī kamī aa.ī pyaas meñ
شاعر کے بارے میں
شارق کیفی عہدِ حاضر کے اہم اردو شعرا میں شمار ہوتے ہیں جنہوں نے اپنی منفرد فکری بصیرت، سادہ مگر پُراثر اسلوب اور عصری شعور کے باعث ادبی دنیا میں نمایاں مقام حاصل کیا۔ 1961ء میں بریلی، اتر پردیش میں پیدا ہونے والے شارق کیفی کو ادبی ذوق اپنے خاندانی ماحول سے وراثت میں ملا۔ ان کے والد کیفی وجدانی (سید رفاقت حسین) خود ایک معتبر شاعر تھے، چنانچہ شعری...
مکمل تعارف پڑھیں