بیچ بھنور سے لوٹ آؤں گا — شارق کیفی
شاعر
بیچ بھنور سے لوٹ آؤں گا
پاگل سمجھا ہے کیا مجھ کو
ڈوب مروں میں
اور سب اس منظر سے اپنا دل بہلائیں
بچوں کو کاندھوں پر لے کر
اچک اچک کر مجھ کو دیکھیں
ہنسی اڑائیں
لاکھ مری اپنی وجہیں ہوں جاں دینے کی
لیکن پھر بھی
دل میں میرے بھی ہے وہ بے معنی خواہش
جاتے جاتے سب کی آنکھیں نم کرنے کی
میری سمجھ سے
اتنا حق تو ہے
جاں دینے والے کا دنیا والوں پر
شرکت کر لیں
وہ اس پل میں تھوڑا سا سنجیدہ ہو کر
جاں دینے آیا ہوں لیکن
یہ بتلا دوں
جان لڑا دوں گا میں جان بچانے میں گر
ایک تماشا دیکھنے والے کو بھی ہنستا دیکھا خود پر
لوٹ آؤں گا
کہہ دیتا ہوں
ایسا کچھ بھی اگر ہوا تو
بیچ بھنور سے لوٹ آؤں گا
شارق کیفی
bich bhanwar se lauT aaunga
pāgal samjhā hai kyā mujh ko
Duub marūñ maiñ
aur sab is manzar se apnā dil bahlā.eñ
bachchoñ ko kāñdhoñ par le kar
uchak uchak kar mujh ko dekheñ
hañsī uḌā.eñ
laakh mirī apnī vaj.heñ hoñ jaañ dene kī
lekin phir bhī
dil meñ mere bhī hai vo be-ma.anī ḳhvāhish
jaate jaate sab kī āñkheñ nam karne kī
merī samajh se
itnā haq to hai
jaañ dene vaale kā duniyā vāloñ par
shirkat kar leñ
vo is pal meñ thoḌā sā sanjīda ho kar
jaañ dene aayā huuñ lekin
ye batlā duuñ
jaan laḌā dūñgā maiñ jaan bachāne meñ gar
ek tamāshā dekhne vaale ko bhī hañstā dekhā ḳhud par
lauT ā.ūñgā
keh detā huuñ
aisā kuchh bhī agar huā to
biich bhañvar se lauT ā.ūñgā
شاعر کے بارے میں
شارق کیفی عہدِ حاضر کے اہم اردو شعرا میں شمار ہوتے ہیں جنہوں نے اپنی منفرد فکری بصیرت، سادہ مگر پُراثر اسلوب اور عصری شعور کے باعث ادبی دنیا میں نمایاں مقام حاصل کیا۔ 1961ء میں بریلی، اتر پردیش میں پیدا ہونے والے شارق کیفی کو ادبی ذوق اپنے خاندانی ماحول سے وراثت میں ملا۔ ان کے والد کیفی وجدانی (سید رفاقت حسین) خود ایک معتبر شاعر تھے، چنانچہ شعری...
مکمل تعارف پڑھیں