چھٹی کا دن — شارق کیفی
شاعر
چھٹی کا دن
یہ میری موت پر چھٹی کا دن ہے
کلنڈر پر چھپی یہ آج کی تاریخ
میری موت ہی سے لال ہو سکتی تھی شاید
سویرے تک جو کالی روشنائی سے لکھی تھی
مزہ ہی کچھ الگ ہے ایسی چھٹی کا
اچانک جو ملی ہو
یہ میرا آخری تحفہ ہے اپنے ساتھیوں کو
وگرنہ پیر کا دن
کتنا سر دردی بھرا ہوتا ہے دفتر کا
یہ دنیا جانتی ہے
شارق کیفی
chhuTTi ka din
ye merī maut par chhuTTī kā din hai
calendar par chhapī ye aaj kī tārīḳh
merī maut hī se laal ho saktī thī shāyad
savere tak jo kaalī raushnā.ī se likhī thī
maza hī kuchh alag hai aisī chhuTTī kā
achānak jo milī ho
ye merā āḳhirī tohfa hai apne sāthiyoñ ko
vagarna piir kā din
kitnā sar-dardī bharā hotā hai daftar kā
ye duniyā jāntī hai
شاعر کے بارے میں
شارق کیفی عہدِ حاضر کے اہم اردو شعرا میں شمار ہوتے ہیں جنہوں نے اپنی منفرد فکری بصیرت، سادہ مگر پُراثر اسلوب اور عصری شعور کے باعث ادبی دنیا میں نمایاں مقام حاصل کیا۔ 1961ء میں بریلی، اتر پردیش میں پیدا ہونے والے شارق کیفی کو ادبی ذوق اپنے خاندانی ماحول سے وراثت میں ملا۔ ان کے والد کیفی وجدانی (سید رفاقت حسین) خود ایک معتبر شاعر تھے، چنانچہ شعری...
مکمل تعارف پڑھیں