چپ ہیں سب موت کے سوال کے بعد — شارق کیفی
شاعر
چپ ہیں سب موت کے سوال کے بعد
چپ ہیں سب موت کے سوال کے بعد
کیا کہے کوئی اس مثال کے بعد
اک ہمیں ہیں قدیم و خستہ یہاں
سب نئے ہو گئے زوال کے بعد
دل مرا کھیل میں لگا ہی نہیں
اک تماشائی کے سوال کے بعد
پیٹ کی آگ بجھ چکی سب کی
لوگ خاموش ہیں خلال کے بعد
اجنبی ہو گیا ہوں اپنے لیے
آپ اپنے کئے کمال کے بعد
شارق کیفی
chup hain sab maut ke sawal ke baad
chup haiñ sab maut ke savāl ke baa'd
kyā kahe koī is misāl ke baa'd
ik hamīñ haiñ qadīm-o-ḳhasta yahāñ
sab na.e ho ga.e zavāl ke baa'd
dil mirā khel meñ lagā hī nahīñ
ik tamāshā.ī ke savāl ke baa'd
peT kī aag bujh chukī sab kī
log ḳhāmosh haiñ ḳhilāl ke baa'd
ajnabī ho gayā huuñ apne liye
aap apne kiye kamāl ke baa'd
شاعر کے بارے میں
شارق کیفی عہدِ حاضر کے اہم اردو شعرا میں شمار ہوتے ہیں جنہوں نے اپنی منفرد فکری بصیرت، سادہ مگر پُراثر اسلوب اور عصری شعور کے باعث ادبی دنیا میں نمایاں مقام حاصل کیا۔ 1961ء میں بریلی، اتر پردیش میں پیدا ہونے والے شارق کیفی کو ادبی ذوق اپنے خاندانی ماحول سے وراثت میں ملا۔ ان کے والد کیفی وجدانی (سید رفاقت حسین) خود ایک معتبر شاعر تھے، چنانچہ شعری...
مکمل تعارف پڑھیں