سرکس میں نوکری کا آخری دن — شارق کیفی
شاعر
سرکس میں نوکری کا آخری دن
لے چبا یہ سر
جو اب جبڑوں میں ہے تیرے
اگر تو واقعی میں شیر ہے تو
شیر بن کر آج دکھلا دے
مجھے جوکر سمجھتا تھا
ارے میں تو فقط اس پیٹ کی خاطر
ہنسانے کے لیے سب کو
تیرے جبڑوں میں سر دینے سے پہلے بھاگ جاتا تھا
مجھے اس کھیل کی تنخواہ ملتی تھی
یہی کردار سرکس میں مرے حصے میں آیا تھا
مگر میں آج تجھ کو دیکھ لوں گا
دکھا دوں گا زمانے کو کہ بزدل میں نہیں بزدل تو ہے
لے چبا
اب جوکروں سا
منہ کو پھاڑے کیوں کھڑا ہے
شارق کیفی
circus mein naukri ka aaKHiri din
le chabā ye sar
jo ab jabḌoñ meñ hai tere
agar tū vāqa.ī meñ sher hai to
sher ban kar aaj dikhlā de
mujhe joker samajhtā thā
are maiñ to faqat is peT kī ḳhātir
hañsāne ke liye sab ko
tere jabḌoñ meñ sar dene se pahle bhaag jaatā thā
mujhe is khel kī tanḳhvāh miltī thī
yahī kirdār circus meñ mire hisse meñ aayā thā
magar maiñ aaj tujh ko dekh lūñgā
dikhā dūñgā zamāne ko ki buzdil maiñ nahīñ buzdil tū hai
le chabā
ab jokaroñ sā
muñh ko phāḌe kyuuñ khaḌā hai
شاعر کے بارے میں
شارق کیفی عہدِ حاضر کے اہم اردو شعرا میں شمار ہوتے ہیں جنہوں نے اپنی منفرد فکری بصیرت، سادہ مگر پُراثر اسلوب اور عصری شعور کے باعث ادبی دنیا میں نمایاں مقام حاصل کیا۔ 1961ء میں بریلی، اتر پردیش میں پیدا ہونے والے شارق کیفی کو ادبی ذوق اپنے خاندانی ماحول سے وراثت میں ملا۔ ان کے والد کیفی وجدانی (سید رفاقت حسین) خود ایک معتبر شاعر تھے، چنانچہ شعری...
مکمل تعارف پڑھیں