دفتر میں بے کار کی باتیں کرتے رہیے — شارق کیفی
شاعر
دفتر میں بے کار کی باتیں کرتے رہیے
دفتر میں بے کار کی باتیں کرتے رہیے
ہفتے بھر اتوار کی باتیں کرتے رہیے
جب تک سچ مچ عشق نہیں ہو جائے کسی سے
ایک خیالی یار کی باتیں کرتے رہیے
بیماروں کو یوں ہی تسلی دی جاتی ہے
ان سے کسی بیمار کی باتیں کرتے رہیے
پیٹھ دکھانا یاد دلاتے رہیے اس کو
بزدل سے تلوار کی باتیں کرتے رہیے
ہم نے تو اس کان سنا اس کان اڑایا
آپ سمندر پار کی باتیں کرتے رہیے
میل سے بڑھ کر کھٹ پٹ سے رونق رہتی ہے
آنگن میں دیوار کی باتیں کرتے رہیے
شارق کیفی
daftar mein bekar ki baaten karte rahiye
daftar meñ bekār kī bāteñ karte rahiye
hafte-bhar itvār kī bāteñ karte rahiye
jab tak sach-much 'ishq nahīñ ho jaa.e kisī se
ek ḳhayālī yaar kī bāteñ karte rahiye
bīmāroñ ko yuuñ hī tasallī dī jaatī hai
un se kisī bīmār kī bāteñ karte rahiye
piiTh dikhānā yaad dilāte rahiye us ko
buzdil se talvār kī bāteñ karte rahiye
ham ne to is kaan sunā us kaan uḌāyā
aap samundar paar kī bāteñ karte rahiye
mel se baḌh kar khaTpaT se raunaq rahtī hai
āñgan meñ dīvār kī bāteñ karte rahiye
شاعر کے بارے میں
شارق کیفی عہدِ حاضر کے اہم اردو شعرا میں شمار ہوتے ہیں جنہوں نے اپنی منفرد فکری بصیرت، سادہ مگر پُراثر اسلوب اور عصری شعور کے باعث ادبی دنیا میں نمایاں مقام حاصل کیا۔ 1961ء میں بریلی، اتر پردیش میں پیدا ہونے والے شارق کیفی کو ادبی ذوق اپنے خاندانی ماحول سے وراثت میں ملا۔ ان کے والد کیفی وجدانی (سید رفاقت حسین) خود ایک معتبر شاعر تھے، چنانچہ شعری...
مکمل تعارف پڑھیں