دلوں پر نقش ہونا چاہتا ہوں — شارق کیفی
شاعر
دلوں پر نقش ہونا چاہتا ہوں
دلوں پر نقش ہونا چاہتا ہوں
مکمل موت سے گھبرا رہا ہوں
سبھی سے راز کہہ دیتا ہوں اپنے
نہ جانے کیا چھپانا چاہتا ہوں
توجہ کے لئے ترسا ہوں اتنا
کہ اک الزام پر خوش ہو رہا ہوں
مجھے محفل کے باہر کا نہ جانو
میں اپنا جام خالی کر چکا ہوں
یہ عادت بھی اسی کی دی ہوئی ہے
کہ سب کو مسکرا کر دیکھتا ہوں
الگ ہوتی ہے ہر لمحے کی دنیا
پرانا ہو کے بھی کتنا نیا ہوں
شارق کیفی
dilon par naqsh hona chahta hun
diloñ par naqsh honā chāhtā huuñ
mukammal maut se ghabrā rahā huuñ
sabhī se raaz kah detā huuñ apne
na jaane kyā chhupānā chāhtā huuñ
tavajjoh ke liye tarsā huuñ itnā
ki ik ilzām par ḳhush ho rahā huuñ
mujhe mahfil ke bāhar kā na jaano
maiñ apnā jaam ḳhālī kar chukā huuñ
ye aadat bhī usī kī dī huī hai
ki sab ko muskurā kar dekhtā huuñ
alag hotī hai har lamhe kī duniyā
purānā ho ke bhī kitnā nayā huuñ
شاعر کے بارے میں
شارق کیفی عہدِ حاضر کے اہم اردو شعرا میں شمار ہوتے ہیں جنہوں نے اپنی منفرد فکری بصیرت، سادہ مگر پُراثر اسلوب اور عصری شعور کے باعث ادبی دنیا میں نمایاں مقام حاصل کیا۔ 1961ء میں بریلی، اتر پردیش میں پیدا ہونے والے شارق کیفی کو ادبی ذوق اپنے خاندانی ماحول سے وراثت میں ملا۔ ان کے والد کیفی وجدانی (سید رفاقت حسین) خود ایک معتبر شاعر تھے، چنانچہ شعری...
مکمل تعارف پڑھیں