دنیا شاید بھول رہی ہے — شارق کیفی
شاعر
دنیا شاید بھول رہی ہے
دنیا شاید بھول رہی ہے
چاہت کچھ اونچا سنتی ہے
جب چادر سر سے اوڑھی ہے
موت سرہانے پر دیکھی ہے
اتنا سچا لگتا ہے وہ
دیکھو تو حیرت ہوتی ہے
قرب کی ساعت تو یاروں کو
چپ کرنے میں گزر جاتی ہے
آؤ گلے مل کر یہ دیکھیں
اب ہم میں کتنی دوری ہے
فیصلے اوروں کے کرتا ہوں
اپنی سزا کٹتی رہتی ہے
یگ بیتے دنیا میں آئے
سوچ وہی مہمانوں سی ہے
چلنا بھی اک عادت ہے بس
ساری تھکن آزادی کی ہے
شارق کیفی
duniya shayad bhul rahi hai
duniyā shāyad bhuul rahī hai
chāhat kuchh ūñchā suntī hai
jab chādar sar se oḌhī hai
maut sirhāne par dekhī hai
itnā sachchā lagtā hai vo
dekho to hairat hotī hai
qurb kī saa.at to yāroñ ko
chup karne meñ guzar jaatī hai
aao gale mil kar ye dekheñ
ab ham meñ kitnī duurī hai
faisle auroñ ke kartā huuñ
apnī sazā kaTtī rahtī hai
yug biite duniyā meñ aa.e
soch vahī mehmānoñ sī hai
chalnā bhī ik aadat hai bas
saarī thakan āzādī kī hai
شاعر کے بارے میں
شارق کیفی عہدِ حاضر کے اہم اردو شعرا میں شمار ہوتے ہیں جنہوں نے اپنی منفرد فکری بصیرت، سادہ مگر پُراثر اسلوب اور عصری شعور کے باعث ادبی دنیا میں نمایاں مقام حاصل کیا۔ 1961ء میں بریلی، اتر پردیش میں پیدا ہونے والے شارق کیفی کو ادبی ذوق اپنے خاندانی ماحول سے وراثت میں ملا۔ ان کے والد کیفی وجدانی (سید رفاقت حسین) خود ایک معتبر شاعر تھے، چنانچہ شعری...
مکمل تعارف پڑھیں