دشمنی کا لطف — شارق کیفی
شاعر
دشمنی کا لطف
کسی جھگڑے سے بس اتنے ذرا سے فاصلہ پر
اگر اب بھی ہماری دوستی قائم ہے
تو آؤ
مبارک باد دیں اک دوسرے کو
مگر اک بات سمجھا دوں میں تم کو
اگر ہم میں کبھی جھگڑا ہوا بھی
تو میں اس دشمنی کا لطف تو لینے نہیں دوں گا تمہیں ہرگز
وہ جس کی چاہ ہر جھگڑے کی ذمے دار ہوتی ہے
مری نظروں میں جھگڑے کا تصور کچھ الگ ہے
وہ ہے بس دوستی کا ختم ہو جانا
میں رشتے کو کبھی بھی دشمنی کی شکل میں
جاری نہیں رکھتا
شارق کیفی
dushmani ka lutf
kisī jhagḌe se bas itne zarā se fāsle par
agar ab bhī hamārī dostī qaa.em hai
to aao
mubārakbād deñ ik dūsre ko
magar ik baat samjhā duuñ maiñ tum ko
agar ham meñ kabhī jhagḌā huā bhī
to maiñ us dushmanī kā lutf to lene nahīñ dūñgā tumheñ hargiz
vo jis kī chaah har jhagḌe kī zimmedār hotī hai
mirī nazroñ meñ jhagḌe kā tasavvur kuchh alag hai
vo hai bas dostī kā ḳhatm ho jaanā
maiñ rishte ko kabhī bhī dushmanī kī shakl meñ
jaarī nahīñ rakhtā
شاعر کے بارے میں
شارق کیفی عہدِ حاضر کے اہم اردو شعرا میں شمار ہوتے ہیں جنہوں نے اپنی منفرد فکری بصیرت، سادہ مگر پُراثر اسلوب اور عصری شعور کے باعث ادبی دنیا میں نمایاں مقام حاصل کیا۔ 1961ء میں بریلی، اتر پردیش میں پیدا ہونے والے شارق کیفی کو ادبی ذوق اپنے خاندانی ماحول سے وراثت میں ملا۔ ان کے والد کیفی وجدانی (سید رفاقت حسین) خود ایک معتبر شاعر تھے، چنانچہ شعری...
مکمل تعارف پڑھیں