ایک کینسر کے مریض کی بڑبڑ — شارق کیفی
شاعر
ایک کینسر کے مریض کی بڑبڑ
گلے پر لگا کر نشاں
جس گھڑی ڈاکٹر نے یہ مجھ سے کہا
اور تو سارے پرہیز ختم آپ کے آج سے
شیو مت کیجئے گا
جب تلک یہ گلے کی سکائی چلے
شیو مت کیجئے گا
تو ساری مشیت خدا کی سمجھ میں مرے آ گئی
ارے
مجھ کو داڑھی سے انکار کب تھا جو یہ رخ نکالا گیا
میں تو خود شیو کے نام سے
یوں بدکتا رہا آج تک جیسے پانی سے بلی
ہاں مری ساس کو کچھ ضرور اعتراضات تھے
جن کی عزت کی خاطر
میں داڑھی نہیں رکھ سکا
مگر ان کو بھی میں
اگر وقت ملتا تو سمجھا ہی لیتا
خیر
اب تو جو ہونا تھا ہو ہی گیا
یوں بھی کس کو بھلا کوئی موقع ملا ہے خدا کے حضور
بات رکھنے کی اپنی
تو یہ بات ہے
یعنی میں
شکل سے پکا سچا مسلماں نہ لگنے کے شک میں گیا
شارق کیفی
ek cancer ke mariz ki baD-baD
gale par lagā kar nishāñ
jis ghaḌī doctor ne ye mujh se kahā
aur to saare parhez ḳhatm aap ke aaj se
shave mat kījiyegā
jab talak ye gale kī sekā.ī chale
shave mat kījiyegā
to saarī mashiyyat ḳhudā kī samajh meñ mire aa ga.ī
are
mujh ko dāḌhī se inkār kab thā jo ye ruḳh nikālā gayā
maiñ to ḳhud shave ke naam se
yuuñ bidaktā rahā aaj tak jaise paanī se billī
haañ mirī saas ko kuchh zarūr etarāzāt the
jin kī izzat kī ḳhātir
maiñ dāḌhī nahīñ rakh sakā
magar un ko bhī maiñ
agar vaqt miltā to samjhā hī letā
ḳhair
ab to jo honā thā ho hī gayā
yuuñ bhī kis ko bhalā koī mauqā milā hai ḳhudā ke huzūr
baat rakhne kī apnī
to ye baat hai
yaanī maiñ
shakl se pakkā sachchā musalmāñ na lagne ke shak meñ gayā
شاعر کے بارے میں
شارق کیفی عہدِ حاضر کے اہم اردو شعرا میں شمار ہوتے ہیں جنہوں نے اپنی منفرد فکری بصیرت، سادہ مگر پُراثر اسلوب اور عصری شعور کے باعث ادبی دنیا میں نمایاں مقام حاصل کیا۔ 1961ء میں بریلی، اتر پردیش میں پیدا ہونے والے شارق کیفی کو ادبی ذوق اپنے خاندانی ماحول سے وراثت میں ملا۔ ان کے والد کیفی وجدانی (سید رفاقت حسین) خود ایک معتبر شاعر تھے، چنانچہ شعری...
مکمل تعارف پڑھیں