اک دن خود کو اپنے پاس بٹھایا ہم نے — شارق کیفی
شاعر
اک دن خود کو اپنے پاس بٹھایا ہم نے
اک دن خود کو اپنے پاس بٹھایا ہم نے
پہلے یار بنایا پھر سمجھایا ہم نے
خود بھی آخر کار انہی وعدوں سے بہلے
جن سے ساری دنیا کو بہلایا ہم نے
بھیڑ نے یوں ہی رہبر مان لیا ہے ورنہ
اپنے علاوہ کس کو گھر پہنچایا ہم نے
موت نے ساری رات ہماری نبض ٹٹولی
ایسا مرنے کا ماحول بنایا ہم نے
گھر سے نکلے چوک گئے پھر پارک میں بیٹھے
تنہائی کو جگہ جگہ بکھرایا ہم نے
ان لمحوں میں کس کہ شرکت کیسی شرکت
اسے بلا کر اپنا کام بڑھایا ہم نے
دنیا کے کچے رنگوں کا رونا رویا
پھر دنیا پر اپنا رنگ جمایا ہم نے
جب شارقؔ پہچان گئے منزل کی حقیقت
پھر رستہ کو رستہ بھر الجھایا ہم نے
شارق کیفی
ek din KHud ko apne pas biThaya humne
ik din ḳhud ko apne paas biThāyā ham ne
pahle yaar banāyā phir samjhāyā ham ne
ḳhud bhī āḳhir-kār unhī va.adoñ se bahle
jin se saarī duniyā ko bahlāyā ham ne
bhiiḌ ne yūñhī rahbar maan liyā hai varna
apne alāva kis ko ghar pahuñchāyā ham ne
maut ne saarī raat hamārī nabz TaTolī
aisā marne kā māhaul banāyā ham ne
ghar se nikle chauk ga.e phir park meñ baiThe
tanhā.ī ko jagah jagah bikhrāyā ham ne
in lamhoñ meñ kis ki shirkat kaisī shirkat
use bulā kar apnā kaam baḌhāyā ham ne
duniyā ke kachche rañgoñ kā ronā royā
phir duniyā par apnā rang jamāyā ham ne
jab 'shāriq' pahchān ga.e manzil kī haqīqat
phir raste ko raste bhar uljhāyā ham ne
شاعر کے بارے میں
شارق کیفی عہدِ حاضر کے اہم اردو شعرا میں شمار ہوتے ہیں جنہوں نے اپنی منفرد فکری بصیرت، سادہ مگر پُراثر اسلوب اور عصری شعور کے باعث ادبی دنیا میں نمایاں مقام حاصل کیا۔ 1961ء میں بریلی، اتر پردیش میں پیدا ہونے والے شارق کیفی کو ادبی ذوق اپنے خاندانی ماحول سے وراثت میں ملا۔ ان کے والد کیفی وجدانی (سید رفاقت حسین) خود ایک معتبر شاعر تھے، چنانچہ شعری...
مکمل تعارف پڑھیں