ایک مدت ہوئی گھر سے نکلے ہوئے — شارق کیفی
شاعر
ایک مدت ہوئی گھر سے نکلے ہوئے
ایک مدت ہوئی گھر سے نکلے ہوئے
اپنے ماحول میں خود کو دیکھے ہوئے
ایک دن ہم اچانک بڑے ہو گئے
کھیل میں دوڑ کر اس کو چھوتے ہوئے
سب گزرتے رہے صف بہ صف پاس سے
میرے سینے پہ اک پھول رکھتے ہوئے
جیسے یہ میز مٹی کا ہاتھی یہ پھول
ایک کونے میں ہم بھی ہیں رکھے ہوئے
شرم تو آئی لیکن خوشی بھی ہوئی
اپنا دکھ اس کے چہرے پہ پڑھتے ہوئے
بس بہت ہو چکا آئنے سے گلہ
دیکھ لے گا کوئی خود سے ملتے ہوئے
زندگی بھر رہے ہیں اندھیرے میں ہم
روشنی سے پریشان ہوتے ہوئے
شارق کیفی
ek muddat hui ghar se nikle hue
ek muddat huī ghar se nikle hue
apne māhaul meñ ḳhud ko dekhe hue
ek din ham achānak baḌe ho ga.e
khel meñ dauḌ kar us ko chhūte hue
sab guzarte rahe saf-ba-saf paas se
mere siine pe ik phuul rakhte hue
jaise ye mez miTTī kā hāthī ye phuul
ek kone meñ ham bhī haiñ rakkhe hue
sharm to aa.ī lekin ḳhushī bhī huī
apnā dukh us ke chehre pe paḌhte hue
bas bahut ho chukā aa.ine se gila
dekh legā koī ḳhud se milte hue
zindagī bhar rahe haiñ añdhere meñ ham
raushnī se pareshān hote hue
شاعر کے بارے میں
شارق کیفی عہدِ حاضر کے اہم اردو شعرا میں شمار ہوتے ہیں جنہوں نے اپنی منفرد فکری بصیرت، سادہ مگر پُراثر اسلوب اور عصری شعور کے باعث ادبی دنیا میں نمایاں مقام حاصل کیا۔ 1961ء میں بریلی، اتر پردیش میں پیدا ہونے والے شارق کیفی کو ادبی ذوق اپنے خاندانی ماحول سے وراثت میں ملا۔ ان کے والد کیفی وجدانی (سید رفاقت حسین) خود ایک معتبر شاعر تھے، چنانچہ شعری...
مکمل تعارف پڑھیں