فقط حصے کی خاطر — شارق کیفی
شاعر
فقط حصے کی خاطر
فقط حصے کی خاطر
کٹ گئی یہ زندگی میلاد سننے میں
بلا جانے کہ حصہ ہے تو کیسا اور کتنا
یہ سب آساں نہیں تھا
گلاب اور عطر سے بھاری فضا میں سانس لینا
دیر تک آساں نہیں تھا
نہ آساں تھا سمجھنے کی اداکاری بھی کرنا
اس زباں کو
جس سے میں نا آشنا تھا اور وو بھی با ادب رہ کر
بہت بھاری تھا بیلے کا وہ گجرا
جو پہنایا گیا تھا مجھ کو اگلی صف میں بٹھانے سے پہلے
ہاں سزا جیسا تھا میرا بیٹھنا اس صف میں
جس میں ایک بھی بچہ نہیں تھا
اور جہاں سے دور تھیں سب چلمنیں
اور ان سے چھنتی رونقیں
یہ سب قربانیاں دے کر اگر حصے کی خواہش ہے مجھے تو کیا غلط ہے
مرے حصے کی خواہش پر ہنسو مت
مرا حصہ تو پکا ہے اگر میں سو بھی جاؤں
خدا کو سب پتا ہے
شارق کیفی
faqat hisse ki KHatir
faqat hisse kī ḳhātir
kaT ga.ī ye zindagī mīlād sunñe meñ
bilā jaane ki hissa hai to kaisā aur kitnā
ye sab āsāñ nahīñ thā
gulāb aur itr se bhārī fazā meñ saañs lenā
der tak āsāñ nahīñ thā
na āsāñ thā samajhne kī adākārī bhī karnā
us zabāñ ko
jis se maiñ nā-āshnā thā aur vo bhī bā-adab rah kar
bahut bhārī thā bele kā vo gajrā
jo pahnāyā gayā thā mujh ko aglī saf meñ baiThāne se pahle
haañ sazā jaisā thā merā baiThnā us saf meñ
jis meñ ek bhī bachcha nahīñ thā
aur jahāñ se duur thiiñ sab chilmaneñ
aur un se chhantī raunaqeñ
ye sab qurbāniyāñ de kar agar hisse kī ḳhvāhish hai mujhe to kyā ġhalat hai
mire hisse kī ḳhvāhish par hañso mat
mirā hissa to pakkā hai agar maiñ so bhī jā.ūñ
ḳhudā ko sab patā hai
شاعر کے بارے میں
شارق کیفی عہدِ حاضر کے اہم اردو شعرا میں شمار ہوتے ہیں جنہوں نے اپنی منفرد فکری بصیرت، سادہ مگر پُراثر اسلوب اور عصری شعور کے باعث ادبی دنیا میں نمایاں مقام حاصل کیا۔ 1961ء میں بریلی، اتر پردیش میں پیدا ہونے والے شارق کیفی کو ادبی ذوق اپنے خاندانی ماحول سے وراثت میں ملا۔ ان کے والد کیفی وجدانی (سید رفاقت حسین) خود ایک معتبر شاعر تھے، چنانچہ شعری...
مکمل تعارف پڑھیں