گلہ یہ نہیں ہے کہ بے گھر کیا — شارق کیفی
شاعر
گلہ یہ نہیں ہے کہ بے گھر کیا
گلہ یہ نہیں ہے کہ بے گھر کیا
ہوا نے میرا ذکر باہر کیا
ترے نام پر آنچ آنے نہ دی
تماشہ گلی سے نکل کر کیا
جو رستہ بہت دور تک تھا خراب
اسے گھر کے آگے برابر کیا
ہماری جگہ تھی مگر عمر بھر
کسی کو اٹھایا تو بستر کیا
نظر کے اشاروں میں کھوئے رہے
یہی کام دونوں نے دن بھر کیا
جو لکھے ہوے تھے وہ کاٹے نہیں
ترا نام نیچے سے اوپر کیا
شارق کیفی
gila ye nahin hai ki be-ghar kiya
gila ye nahīñ hai ki be-ghar kiyā
havā ne merā zikr bāhar kiyā
tire naam par aañch aane na dī
tamāsha galī se nikal kar kiyā
jo rasta bahut duur tak thā ḳharāb
use ghar ke aage barābar kiyā
hamārī jagah thī magar 'umr bhar
kisī ko uThāyā to bistar kiyā
nazar ke ishāroñ meñ kho.e rahe
yahī kaam donoñ ne din bhar kiyā
jo likkhe hue the vo kaaTe nahīñ
tirā naam nīche se uupar kiyā
شاعر کے بارے میں
شارق کیفی عہدِ حاضر کے اہم اردو شعرا میں شمار ہوتے ہیں جنہوں نے اپنی منفرد فکری بصیرت، سادہ مگر پُراثر اسلوب اور عصری شعور کے باعث ادبی دنیا میں نمایاں مقام حاصل کیا۔ 1961ء میں بریلی، اتر پردیش میں پیدا ہونے والے شارق کیفی کو ادبی ذوق اپنے خاندانی ماحول سے وراثت میں ملا۔ ان کے والد کیفی وجدانی (سید رفاقت حسین) خود ایک معتبر شاعر تھے، چنانچہ شعری...
مکمل تعارف پڑھیں