ہے اب وہ بھی دست خریدار میں — شارق کیفی
شاعر
ہے اب وہ بھی دست خریدار میں
ہے اب وہ بھی دست خریدار میں
خدا کی دکاں بھی ہے بازار میں
زمیں آج وہ مانگنے آئی ہے
جو اس کی امانت ہے بیمار میں
خزاں کا بھی ایسا نہیں کوئی زور
جو کھو جاؤں پتوں کے انبار میں
نہ شیطان کو اب کوئی ضد رہی
نہ اب حوصلہ ہے گنہ گار میں
فقط ناتوانی کا ہے اعتراف
یہ نرمی جو آئی ہے گفتار میں
اسی کے اشاروں کو دی ہے زباں
وہی ہے پس پردہ انکار میں
شارق کیفی
hai ab wo bhi dast-e-KHaridar mein
hai ab vo bhī dast-e-ḳharīdār meñ
ḳhudā kī dukāñ bhī hai bāzār meñ
zamīñ aaj vo māñgne aa.ī hai
jo us kī amānat hai bīmār meñ
ḳhizāñ kā bhī aisā nahīñ koī zor
jo kho jā.ūñ pattoñ ke ambār meñ
na shaitān ko ab koī zid rahī
na ab hausla hai gunahgār meñ
faqat nā-tavānī kā hai e'tirāf
ye narmī jo aa.ī hai guftār meñ
usī ke ishāroñ ko dī hai zabāñ
vahī hai pas-e-parda inkār meñ
شاعر کے بارے میں
شارق کیفی عہدِ حاضر کے اہم اردو شعرا میں شمار ہوتے ہیں جنہوں نے اپنی منفرد فکری بصیرت، سادہ مگر پُراثر اسلوب اور عصری شعور کے باعث ادبی دنیا میں نمایاں مقام حاصل کیا۔ 1961ء میں بریلی، اتر پردیش میں پیدا ہونے والے شارق کیفی کو ادبی ذوق اپنے خاندانی ماحول سے وراثت میں ملا۔ ان کے والد کیفی وجدانی (سید رفاقت حسین) خود ایک معتبر شاعر تھے، چنانچہ شعری...
مکمل تعارف پڑھیں