شارق کیفی — شاعر کی تصویر

ہیں اب اس فکر میں ڈوبے ہوئے ہم — شارق کیفی

شاعر

تعارف شاعری

ہیں اب اس فکر میں ڈوبے ہوئے ہم

ہیں اب اس فکر میں ڈوبے ہوئے ہم
اسے کیسے لگے روتے ہوئے ہم
کوئی دیکھے نہ دیکھے سالہا سال
حفاظت سے مگر رکھے ہوئے ہم
نہ جانے کون سی دنیا میں گم ہیں
کسی بیمار کی سنتے ہوئے ہم
رہے جس کی مسیحائی میں اب تک
اسی کے چارہ گر ہوتے ہوئے ہم
گراں تھی سائے کی موجودگی بھی
اب اپنے آپ سے سہمے ہوئے ہم
کہاں ہیں خواب میں دیکھے جزیرے
نکل آئے کدھر بہتے ہوئے ہم
بڑھیں نزدیکیاں اس درجہ خود سے
کہ اب اس کا بدل ہوتے ہوئے ہم
رکھیں کیونکر حساب ایک ایک پل کا
بلا سے روز کم ہوتے ہوئے ہم
بہت ہمت کا ہے یہ کام شارقؔ
کہ شرماتے نہیں ڈرتے ہوئے ہم

hain ab is fikr mein Dube hue hum

haiñ ab is fikr meñ Duube hue ham
use kaise lage rote hue ham
koī dekhe na dekhe sālhā-sāl
hifāzat se magar rakkhe hue ham
na jaane kaun sī duniyā meñ gum haiñ
kisī bīmār kī sunte hue ham
rahe jis kī masīhā.ī meñ ab tak
usī ke chārāgar hote hue ham
girāñ thī saa.e kī maujūdgī bhī
ab apne aap se sahme hue ham
kahāñ haiñ ḳhvāb meñ dekhe jazīre
nikal aa.e kidhar bahte hue ham
baḌhīñ nazdīkiyāñ is darja ḳhud se
ki ab us kā badal hote hue ham
rakheñ kyūñkar hisāb ek ek pal kā
balā se roz kam hote hue ham
bahut himmat kā hai ye kaam 'shāriq'
ki sharmāte nahīñ Darte hue ham

شاعر کے بارے میں

شارق کیفی

شارق کیفی عہدِ حاضر کے اہم اردو شعرا میں شمار ہوتے ہیں جنہوں نے اپنی منفرد فکری بصیرت، سادہ مگر پُراثر اسلوب اور عصری شعور کے باعث ادبی دنیا میں نمایاں مقام حاصل کیا۔ 1961ء میں بریلی، اتر پردیش میں پیدا ہونے والے شارق کیفی کو ادبی ذوق اپنے خاندانی ماحول سے وراثت میں ملا۔ ان کے والد کیفی وجدانی (سید رفاقت حسین) خود ایک معتبر شاعر تھے، چنانچہ شعری...

مکمل تعارف پڑھیں

دیگر کلام