حقیقت کھل نہیں پائی ابھی تک — شارق کیفی
شاعر
حقیقت کھل نہیں پائی ابھی تک
حقیقت کھل نہیں پائی ابھی تک
پہیلی ہے وہ خاموشی ابھی تک
قسم دینا نہیں چھوڑا کسی نے
مری سگریٹ نہیں چھوٹی ابھی تک
بہت بوڑھی ہے خاموشی ہماری
مگر اونچا نہیں سنتی ابھی تک
پتہ بھی ہے زمیں کی عمر کیا ہے
بنی بیٹھی ہے جو بچی ابھی تک
نہ جانے شیو چبھتا ہے کہ بستر
نہیں سویا نیا قیدی ابھی تک
بڑے بیمار کا چھوٹا سا شکوہ
مری چادر نہیں بدلی ابھی تک
یہ گھر خود میں جو اک دنیا ہے پوری
یہی دنیا نہیں دیکھی ابھی تک
شارق کیفی
haqiqat khul nahin pai abhi tak
haqīqat khul nahīñ paa.ī abhī tak
pahelī hai vo ḳhāmoshī abhī tak
qasam denā nahīñ chhoḌā kisī ne
mirī cigarette nahīñ chhūTī abhī tak
bahut būḌhī hai ḳhāmoshī hamārī
magar ūñchā nahīñ suntī abhī tak
pata bhī hai zamīñ kī 'umr kyā hai
banī baiThī hai jo bachchī abhī tak
na jaane shave chubhtā hai ki bistar
nahīñ soyā nayā qaidī abhī tak
baḌe bīmār kā chhoTā sā shikva
mirī chādar nahīñ badlī abhī tak
ye ghar ḳhud meñ jo ik duniyā hai puurī
yahī duniyā nahīñ dekhī abhī tak
شاعر کے بارے میں
شارق کیفی عہدِ حاضر کے اہم اردو شعرا میں شمار ہوتے ہیں جنہوں نے اپنی منفرد فکری بصیرت، سادہ مگر پُراثر اسلوب اور عصری شعور کے باعث ادبی دنیا میں نمایاں مقام حاصل کیا۔ 1961ء میں بریلی، اتر پردیش میں پیدا ہونے والے شارق کیفی کو ادبی ذوق اپنے خاندانی ماحول سے وراثت میں ملا۔ ان کے والد کیفی وجدانی (سید رفاقت حسین) خود ایک معتبر شاعر تھے، چنانچہ شعری...
مکمل تعارف پڑھیں