حریف مجھ سا اگر ہو تو کچھ خسارہ نہیں — شارق کیفی
شاعر
حریف مجھ سا اگر ہو تو کچھ خسارہ نہیں
حریف مجھ سا اگر ہو تو کچھ خسارہ نہیں
جو خود بھی جیت گیا اور کوئی ہارا نہیں
لہو میں ڈولتی پھرتی ہے اب بھنور کی طرح
وہ ایک لہر جسے ہم نے پار اتارا نہیں
مگر یہ بات بتاؤں تو کس طرح اس کو
کہ خامشی میں تری اب مرا گزارہ نہیں
جنوں کو اپنے پرکھنا تھا سو پرکھ آئے
اب اور کام کوئی دشت میں ہمارا نہیں
عجیب نشۂ آوارگی ہے سر پہ سوار
سکوں بھی آج ہمیں دیر تک گوارہ نہیں
شارق کیفی
harif mujh sa agar ho to kuchh KHasara nahin
harīf mujh sā agar ho to kuchh ḳhasāra nahīñ
jo ḳhud bhī jiit gayā aur koī haarā nahīñ
lahū meñ Doltī phirtī hai ab bhañvar kī tarah
vo ek lahr jise ham ne paar utārā nahīñ
magar ye baat batā.ūñ to kis tarah us ko
ki ḳhāmushī meñ tirī ab mirā guzāra nahīñ
junūñ ko apne parakhnā thā so parakh aa.e
ab aur kaam koī dasht meñ hamārā nahīñ
'ajīb nashsha-e-āvārgī hai sar pe savār
sukūñ bhī aaj hameñ der tak gavāra nahīñ
شاعر کے بارے میں
شارق کیفی عہدِ حاضر کے اہم اردو شعرا میں شمار ہوتے ہیں جنہوں نے اپنی منفرد فکری بصیرت، سادہ مگر پُراثر اسلوب اور عصری شعور کے باعث ادبی دنیا میں نمایاں مقام حاصل کیا۔ 1961ء میں بریلی، اتر پردیش میں پیدا ہونے والے شارق کیفی کو ادبی ذوق اپنے خاندانی ماحول سے وراثت میں ملا۔ ان کے والد کیفی وجدانی (سید رفاقت حسین) خود ایک معتبر شاعر تھے، چنانچہ شعری...
مکمل تعارف پڑھیں