ہونے سے مرے فرق ہی پڑتا تھا بھلا کیا — شارق کیفی
شاعر
ہونے سے مرے فرق ہی پڑتا تھا بھلا کیا
ہونے سے مرے فرق ہی پڑتا تھا بھلا کیا
میں آج نہ جاگا تو سویرا نہ ہوا کیا
سب بھیگی رتیں نیند کے اس پار ہیں شاید
لگتی ہے ذرا آنکھ تو آتی ہے ہوا کیا
ہم کھوج میں جس کی ہیں پریشان ازل سے
بیمار کی آنکھوں نے وہ در ڈھونڈ لیا کیا
مقتول کو بانہوں میں لیے بیٹھا رہوں کیوں
اس جرم سے لینا ہے اسے اور مزہ کیا
دیوار قفس کی ہو کہ گھر کی مجھے کیا فرق
تفریح کے ساماں ہوں میسر تو سزا کیا
ایسا تو کبھی رقص میں بے خود نہ ہوا میں
مے خانہ کے ماحول میں ہوتا ہے نشہ کیا
یہ دھوپ کی تیزی یہ سرابوں کی سجاوٹ
صحرا نے جنوں کو مرے پہچان لیا کیا
شارق کیفی
hone se mere farq hi paDta tha bhala kya
hone se mire farq hī paḌtā thā bhalā kyā
maiñ aaj na jaagā to saverā na huā kyā
sab bhīgī ruteñ niiñd ke us paar haiñ shāyad
lagtī hai zarā aañkh to aatī hai havā kyā
ham khoj meñ jis kī haiñ pareshān azal se
bīmār kī āñkhoñ ne vo dar DhūñD liyā kyā
maqtūl ko bāñhoñ meñ liye baiThā rahūñ kyuuñ
is jurm se lenā hai use aur maza kyā
dīvār qafas kī ho ki ghar kī mujhe kyā farq
tafrīh ke sāmāñ hoñ mayassar to sazā kyā
aisā to kabhī raqs meñ be-ḳhud na havā maiñ
mai-ḳhāne ke māhaul meñ hotā hai nasha kyā
ye dhuup kī tezī ye sarāboñ kī sajāvaT
sahrā ne junūñ ko mire pahchān liyā kyā
شاعر کے بارے میں
شارق کیفی عہدِ حاضر کے اہم اردو شعرا میں شمار ہوتے ہیں جنہوں نے اپنی منفرد فکری بصیرت، سادہ مگر پُراثر اسلوب اور عصری شعور کے باعث ادبی دنیا میں نمایاں مقام حاصل کیا۔ 1961ء میں بریلی، اتر پردیش میں پیدا ہونے والے شارق کیفی کو ادبی ذوق اپنے خاندانی ماحول سے وراثت میں ملا۔ ان کے والد کیفی وجدانی (سید رفاقت حسین) خود ایک معتبر شاعر تھے، چنانچہ شعری...
مکمل تعارف پڑھیں