حقوق جب یاد آئے اپنے — شارق کیفی
شاعر
حقوق جب یاد آئے اپنے
حقوق جب یاد آئے اپنے
غلام پر مسکرائے اپنے
بہت جنازے تھے راستے میں
قدم بھی ہم گن نہ پائے اپنے
وہ کون سی راز داریاں تھیں
کہ سائے باہر بٹھائے اپنے
ہوا نے آندھی کی شکل لے کر
تمام قیدی چھڑائے اپنے
اک اور دن کی ہے آمد آمد
خدا نے مہرے سجائے اپنے
کھڑے ہیں لاشوں کے درمیاں ہم
امام ضامن بندھائے اپنے
کیا ہی کیا اور زندگی بھر
بدن کے نخرے اٹھائے اپنے
کسی کا دشمن نہیں تھا دریا
بھنور تو ہم ساتھ لائے اپنے
یہی تو محفل بگاڑتے ہیں
جو ہیں یہاں بن بلائے اپنے
شارق کیفی
huquq jab yaad aae apne
huqūq jab yaad aa.e apne
ġhulām par muskurā.e apne
bahut janāze the rāste meñ
qadam bhī ham gin na paa.e apne
vo kaun sī rāz-dāriyāñ thiiñ
ki saa.e bāhar biThā.e apne
havā ne āñdhī kī shakl le kar
tamām qaidī chhuḌā.e apne
ik aur din kī hai aamad aamad
ḳhudā ne mohre sajā.e apne
khaḌe haiñ lāshoñ ke darmiyāñ ham
imām-zāmin bañdhā.e apne
kiyā hī kyā aur zindagī bhar
badan ke naḳhre uThā.e apne
kisī kā dushman nahīñ thā dariyā
bhañvar to ham saath laa.e apne
yahī to mahfil bigāḌte haiñ
jo haiñ yahāñ bin-bulā.e apne
شاعر کے بارے میں
شارق کیفی عہدِ حاضر کے اہم اردو شعرا میں شمار ہوتے ہیں جنہوں نے اپنی منفرد فکری بصیرت، سادہ مگر پُراثر اسلوب اور عصری شعور کے باعث ادبی دنیا میں نمایاں مقام حاصل کیا۔ 1961ء میں بریلی، اتر پردیش میں پیدا ہونے والے شارق کیفی کو ادبی ذوق اپنے خاندانی ماحول سے وراثت میں ملا۔ ان کے والد کیفی وجدانی (سید رفاقت حسین) خود ایک معتبر شاعر تھے، چنانچہ شعری...
مکمل تعارف پڑھیں