عبادت کے وقت میں حصہ — شارق کیفی
شاعر
عبادت کے وقت میں حصہ
عبادت میں
خدا کے وقت میں حصے کی خواہش
نہ جانے کیوں سبھی یادوں میں ہوتی ہے
کھڑا رہتا ہوں میں بس ہاتھ باندھے اک کنارے سے
مگر وہ قافلہ یادوں کا جیسے ختم ہونے میں نہیں آتا
کہاں سجدہ کروں میں؟
بھول جاتا ہوں کہ رکعت کون سی ہے
مصیبت ہے
گوارا ہی نہیں ان کو مرا مسجد میں آنا
مرا جنت میں جانا
ذرا سی دیر کی تو بات تھی
دو فرض پڑھنے تھے
اور اس کے بعد میں خالی ہی خالی تھا
مگر ان حاسدوں کو کون سمجھائے
کہیں یہ آج بھی شاید
مجھے کھونے سے ڈرتی ہیں
عبادت سے خدا کی
یہ جلن محسوس کرتی ہیں
انہیں سمجھائے کوئی
شارق کیفی
ibaadat ke waqt mein hissa
ibādat meñ
ḳhudā ke vaqt meñ hisse kī ḳhvāhish
na jaane kyuuñ sabhī yādoñ meñ hotī hai
khaḌā rahtā huuñ maiñ bas haath bāñdhe ik kināre se
magar vo qāfila yādoñ kā jaise ḳhatm hone meñ nahīñ aatā
kahāñ sajda karūñ maiñ?
bhuul jaatā huuñ ki raka.at kaun sī hai
musībat hai
gavārā hī nahīñ un ko mirā masjid meñ aanā
mirā jannat meñ jaanā
zarā sī der kī to baat thī
do farz paḌhne the
aur is ke ba.ad maiñ ḳhālī hī ḳhālī thā
magar in hāsidoñ ko kaun samjhā.e
kahīñ ye aaj bhī shāyad
mujhe khone se Dartī haiñ
ibādat se ḳhudā kī
ye jalan mahsūs kartī haiñ
inheñ samjhā.e koī
شاعر کے بارے میں
شارق کیفی عہدِ حاضر کے اہم اردو شعرا میں شمار ہوتے ہیں جنہوں نے اپنی منفرد فکری بصیرت، سادہ مگر پُراثر اسلوب اور عصری شعور کے باعث ادبی دنیا میں نمایاں مقام حاصل کیا۔ 1961ء میں بریلی، اتر پردیش میں پیدا ہونے والے شارق کیفی کو ادبی ذوق اپنے خاندانی ماحول سے وراثت میں ملا۔ ان کے والد کیفی وجدانی (سید رفاقت حسین) خود ایک معتبر شاعر تھے، چنانچہ شعری...
مکمل تعارف پڑھیں