عشق پہلی مری برائی تھی — شارق کیفی
شاعر
عشق پہلی مری برائی تھی
عشق پہلی مری برائی تھی
جو کہ سب کی نظر میں آئی تھی
اس کی اک اک خوشی پہ مرتا تھا
جس سے ہر وقت کی لڑائی تھی
وہی ترکیب آنسوؤں والی
آج میں نے بھی آزمائی تھی
یہ بھی کوئی بھلا سوال ہوا
یاد آئی تو کتنی آئی تھی
مری تنہائی کی ضرورت بھی
اس کی نظروں میں بے وفائی تھی
عشق کا ایک مرحلہ تو تھا
ایک منزل تری جدائی تھی
شارق کیفی
ishq pahli meri burai thi
'ishq pahlī mirī burā.ī thī
jo ki sab kī nazar meñ aa.ī thī
us kī ik ik ḳhushī pe martā thā
jis se har vaqt kī laḌā.ī thī
vahī tarkīb āñsuoñ vaalī
aaj maiñ ne bhī āzmā.ī thī
ye bhī koī bhalā savāl huā
yaad aa.ī to kitnī aa.ī thī
mirī tanhā.ī kī zarūrat bhī
us kī nazroñ meñ bevafā.ī thī
'ishq kā ek marhala tū thā
ek manzil tirī judā.ī thī
شاعر کے بارے میں
شارق کیفی عہدِ حاضر کے اہم اردو شعرا میں شمار ہوتے ہیں جنہوں نے اپنی منفرد فکری بصیرت، سادہ مگر پُراثر اسلوب اور عصری شعور کے باعث ادبی دنیا میں نمایاں مقام حاصل کیا۔ 1961ء میں بریلی، اتر پردیش میں پیدا ہونے والے شارق کیفی کو ادبی ذوق اپنے خاندانی ماحول سے وراثت میں ملا۔ ان کے والد کیفی وجدانی (سید رفاقت حسین) خود ایک معتبر شاعر تھے، چنانچہ شعری...
مکمل تعارف پڑھیں