صدر عالی مقام ہونے سے — شارق کیفی
شاعر
صدر عالی مقام ہونے سے
صدر عالی مقام ہونے سے
رہ گئے اپنے کام ہونے سے
ایک پہچان تھی سو وہ بھی گئی
بے وفائی کے عام ہونے سے
آ گئی چال میں اکڑ میری
جیب میں پورے دام ہونے سے
نکتہ چینوں کے لب سلے ہی رہے
آپ کا انتظام ہونے سے
وقت سے پہلے ہو گئے بوڑھے
اس قدر احترام ہونے سے
اپنی خدمت لگی مجھے بہتر
دوسروں کا غلام ہونے سے
رو تو لیتا تھا پہلے قسمت کو
کام بگڑا ہے کام ہونے سے
شارق کیفی
jaane kin be-wafaon ka charcha kiya
jaane kin be-vafāoñ kā charchā kiyā
jānte bhī na the jin ko rusvā kiyā
ḳhud ko sach-much kā 'āshiq samajhne lage
ham ne 'āshiq kā kirdār itnā kiyā
sab mujhe be-zabāñ jaan kar uTh ga.e
maiñ ne jab tak kisī par bharosa kiyā
tum masīhā ho mere batāo mujhe
tum ne kyoñ ek qātil ko zinda kiyā
bas vo me'yār qaa.im nahīñ rakh sakā
us ne pahlā tamāsha to achchhā kiyā
شاعر کے بارے میں
شارق کیفی عہدِ حاضر کے اہم اردو شعرا میں شمار ہوتے ہیں جنہوں نے اپنی منفرد فکری بصیرت، سادہ مگر پُراثر اسلوب اور عصری شعور کے باعث ادبی دنیا میں نمایاں مقام حاصل کیا۔ 1961ء میں بریلی، اتر پردیش میں پیدا ہونے والے شارق کیفی کو ادبی ذوق اپنے خاندانی ماحول سے وراثت میں ملا۔ ان کے والد کیفی وجدانی (سید رفاقت حسین) خود ایک معتبر شاعر تھے، چنانچہ شعری...
مکمل تعارف پڑھیں