جب ساحل کا دھوکا ساحل ہو جاتا ہے — شارق کیفی
شاعر
جب ساحل کا دھوکا ساحل ہو جاتا ہے
جب ساحل کا دھوکا ساحل ہو جاتا ہے
پار اترنا اور بھی مشکل ہو جاتا ہے
اک دن اتنی بھیڑ جٹا لیتی ہے شہرت
اپنا قاتل اس میں شامل ہو جاتا ہے
موت کے دن سے کیوں ڈرتا تھا یوں ڈرتا تھا
جس کو دیکھو گھر میں داخل ہو جاتا ہے
کوئی بھی اچھی بات یہاں بس کان میں کہنا
بیماروں کو مرنا مشکل ہو جاتا ہے
یہ محرومی اور طرح کی محرومی ہے
سب کچھ وقت سے پہلے حاصل ہو جاتا ہے
ساری حقیقت کھل جاتی ہے دانائی کی
جس دن اک گمراہ مقابل ہو جاتا ہے
شارق کیفی
jab sahil ka dhoka sahil ho jata hai
jab sāhil kā dhokā sāhil ho jaatā hai
paar utarnā aur bhī mushkil ho jaatā hai
ik din itnī bhiiḌ juTā letī hai shohrat
apnā qātil us meñ shāmil ho jaatā hai
maut ke din se kyoñ Dartā thā yuuñ Dartā thā
jis ko dekho ghar meñ dāḳhil ho jaatā hai
koī bhī achchhī baat yahāñ bas kaan meñ kahnā
bīmāroñ ko marnā mushkil ho jaatā hai
ye mahrūmī aur tarah kī mahrūmī hai
sab kuchh vaqt se pahle hāsil ho jaatā hai
saarī haqīqat khul jaatī hai dānā.ī kī
jis din ik gumrāh muqābil ho jaatā hai
شاعر کے بارے میں
شارق کیفی عہدِ حاضر کے اہم اردو شعرا میں شمار ہوتے ہیں جنہوں نے اپنی منفرد فکری بصیرت، سادہ مگر پُراثر اسلوب اور عصری شعور کے باعث ادبی دنیا میں نمایاں مقام حاصل کیا۔ 1961ء میں بریلی، اتر پردیش میں پیدا ہونے والے شارق کیفی کو ادبی ذوق اپنے خاندانی ماحول سے وراثت میں ملا۔ ان کے والد کیفی وجدانی (سید رفاقت حسین) خود ایک معتبر شاعر تھے، چنانچہ شعری...
مکمل تعارف پڑھیں