جنت سے دور — شارق کیفی
شاعر
جنت سے دور
گواہی حشر کے دن
تمام اعضا کے ساتھ
ہم انسانوں کی خالی جیب کی بھی مان لی جائے
تو ممکن ہے کہ بیڑا پار ہو جائے
رضا اور صبر کی تاکید پر
وہ صرف اور صرف خالی جیب ہے انسان کی جو
بہت کھل کر خدا سے بات کر سکتی ہے شاید
وہی ہے جو فرشتوں کی لکھی سیدھی سپاٹ اعمال کی روداد میں بھی
نئے کچھ رنگ بھر سکتی ہے شاید
مگر ٹھہرو
بہت خوش فہم مت ہو
سنا یہ ہے خدا کی جیب اوپر تک بھری رہتی ہے ہر دم
اور کبھی خالی نہیں ہوتی
اسے تو دونوں ہاتھوں سے لٹانا بانٹنا آتا ہے بس
ایسی روایت ہے
یہی تو پینچ ہے
وہ خود جس تجربے سے دور ہے
اس کو نظر میں رکھ کے کوئی فیصلہ کرنا
اسے منظور ہوگا کیا؟
ابھی کچھ دیر پہلے لگ رہا تھا
اب ہمیں ایسا نہیں لگتا
کہ خالی جیب اور اس کے دلائل کا کوئی اس پر اثر ہوگا
تو مطلب یہ ہوا
ہم لوگ اب بھی دور ہیں اتنا ہی جنت سے
کہ جتنا یہ خیال آنے سے پہلے تھے
شارق کیفی
jannat se dur
gavāhī hashr ke din
tamām a.azā ke saath
ham insānoñ kī ḳhālī jeb kī bhī maan lī jaa.e
to mumkin hai ki beḌā paar ho jaa.e
razā aur sabr kī tākīd par
vo sirf aur sirf ḳhālī jeb hai insān kī jo
bahut khul kar ḳhudā se baat kar saktī hai shāyad
vahī hai jo farishtoñ kī likhī sīdhī sapāT a.amāl kī rūdād meñ bhī
na.e kuchh rañg bhar saktī hai shāyad
magar Thahro
bahut ḳhush-fahm mat ho
sunā ye hai ḳhudā kī jeb uupar tak bharī rahtī hai har dam
aur kabhī ḳhālī nahīñ hotī
use to donoñ hāthoñ se luTānā bāñTanā aatā hai bas
aisī rivāyat hai
yahī to peñch hai
vo ḳhud jis tajrabe se duur hai
us ko nazar meñ rakh ke koī faisla karnā
use manzūr hogā kyaa?
abhī kuchh der pahle lag rahā thā
ab hameñ aisā nahīñ lagtā
ki ḳhālī jeb aur us ke dalā.el kā koī us par asar hogā
to matlab ye huā
ham log ab bhī duur haiñ utnā hī jannat se
ki jitnā ye ḳhayāl aane se pahle the
شاعر کے بارے میں
شارق کیفی عہدِ حاضر کے اہم اردو شعرا میں شمار ہوتے ہیں جنہوں نے اپنی منفرد فکری بصیرت، سادہ مگر پُراثر اسلوب اور عصری شعور کے باعث ادبی دنیا میں نمایاں مقام حاصل کیا۔ 1961ء میں بریلی، اتر پردیش میں پیدا ہونے والے شارق کیفی کو ادبی ذوق اپنے خاندانی ماحول سے وراثت میں ملا۔ ان کے والد کیفی وجدانی (سید رفاقت حسین) خود ایک معتبر شاعر تھے، چنانچہ شعری...
مکمل تعارف پڑھیں