جسم کے ساتھ آخری لمحہ — شارق کیفی
شاعر
جسم کے ساتھ آخری لمحہ
چلو چھٹی ملی آخر
سبک دوش ہو گئی میں پہرے داری سے
اک ایسے جسم کی
جو اتنا نازک تھا
کہ اس کی انگلیاں پھل کاٹنے والا
کوئی چاقو بھی گھایل کرتا رہتا تھا
ہوا کم ہو تو جس کی ناک سے خوں بہنے لگتا تھا
وہ جس کے پیر تھوڑی سی تھکن سے سوج جاتے تھے
یہ میرے آخری لمحے ہیں اپنے جسم کے ساتھ
بس اک تختہ
اور اس کے بعد میں آزاد ہوں سیر فلک کو
سکوں دل میں لئے اس بات کا
کہ میرے جسم کو اپنی ہی موت آئی
وہ ہارا بھی تو صرف اور صرف اپنی عمر سے
اور روح یوں بھی
عمر کو گنتی نہیں ہے
دشمنوں میں جسم کے
شارق کیفی
jism ke sath aaKHiri lamhe
chalo chhuTTī milī āḳhir
subuk-dosh ho ga.ī maiñ pahre-dārī se
ik aise jism kī
jo itnā nāzuk thā
ki us kī uñgliyāñ phal kāTne vaalā
koī chāqū bhī ghāyal kartā rahtā thā
havā kam ho to jis kī naak se ḳhuuñ bahne lagtā thā
vo jis ke pair thoḌī sī thakan se suuj jaate the
ye mere āḳhirī lamhe haiñ apne jism ke saath
bas ik taḳhta
aur us ke baa'd maiñ āzād huuñ sair-e-falak ko
sukūñ dil meñ liye is baat kā
ki mere jism ko apnī hī maut aa.ī
vo haarā bhī to sirf aur sirf apnī 'umr se
aur ruuh yuuñ bhī
'umr ko gintī nahīñ hai
dushmanoñ meñ jism ke
شاعر کے بارے میں
شارق کیفی عہدِ حاضر کے اہم اردو شعرا میں شمار ہوتے ہیں جنہوں نے اپنی منفرد فکری بصیرت، سادہ مگر پُراثر اسلوب اور عصری شعور کے باعث ادبی دنیا میں نمایاں مقام حاصل کیا۔ 1961ء میں بریلی، اتر پردیش میں پیدا ہونے والے شارق کیفی کو ادبی ذوق اپنے خاندانی ماحول سے وراثت میں ملا۔ ان کے والد کیفی وجدانی (سید رفاقت حسین) خود ایک معتبر شاعر تھے، چنانچہ شعری...
مکمل تعارف پڑھیں