جسم کی توہین — شارق کیفی
شاعر
جسم کی توہین
کوئی دوپٹہ پہیے میں آئے تو موت بھی بن سکتا ہے
شرم حیا پرانی تھی اس کی
بس جرم نیا تھا
پاک محبت میں اس ساری
چالاکی کا مطلب کیا تھا
چھتوں چھتوں آنکھیں لڑنے تک ٹھیک تھا سب کچھ
لیکن سونے گھر میں ملنا
جسم کو آگے رکھ کر خود پیچھے چھپ جانا
پھر کہنا بس اب رک جاؤ
بس اب جاؤ
کیوں سنتا میں
بولو آخر کیوں رکتا میں
جسم کی وہ توہین مری توہین نہ تھی کیا
شارق کیفی
jism ki tauhin
koī dupaTTa pahiye meñ aa.e to maut bhī ban saktā hai
sharm hayā purānī thī us kī
bas jurm nayā thā
paak mohabbat meñ is saarī
chālākī kā matlab kyā thā
chhatoñ chhatoñ āñkheñ laḌne tak Thiik thā sab kuchh
lekin suune ghar meñ milnā
jism ko aage rakh kar ḳhud pīchhe chhup jaanā
phir kahnā bas ab ruk jaao
bas ab jaao
kyoñ suntā maiñ
bolo āḳhir kyoñ ruktā maiñ
jism kī vo tauhīn mirī tauhīn na thī kyā
شاعر کے بارے میں
شارق کیفی عہدِ حاضر کے اہم اردو شعرا میں شمار ہوتے ہیں جنہوں نے اپنی منفرد فکری بصیرت، سادہ مگر پُراثر اسلوب اور عصری شعور کے باعث ادبی دنیا میں نمایاں مقام حاصل کیا۔ 1961ء میں بریلی، اتر پردیش میں پیدا ہونے والے شارق کیفی کو ادبی ذوق اپنے خاندانی ماحول سے وراثت میں ملا۔ ان کے والد کیفی وجدانی (سید رفاقت حسین) خود ایک معتبر شاعر تھے، چنانچہ شعری...
مکمل تعارف پڑھیں