جیت گیا جیت گیا — شارق کیفی
شاعر
جیت گیا جیت گیا
آؤ
اب ڈھونڈو مجھے
پھسڈی کہہ کے مجھ کو چھیڑنے والو
ہراؤ اب مجھے
ہاں مجھے بھی کھیل لگتا تھا یہ سب کچھ ابتدا میں
مگر یہ بھی تو سوچو
مسلسل ہار کوئی کھیل ہے جو کھیل اس کو مان لیتا میں
کہاں تک ہارتا میں؟
مرے چھپنے کے سب کونے اجاگر ہو گئے تھے
بہت آسان ہوتا جا رہا تھا ڈھونڈنا مجھ کو
مجھے اب جیتنا تھا
کسی قیمت پہ مجھ کو جیتنا تھا
سو میں نے یہ کیا
وہ آہٹ جو مری دشمن رہی تھی آج تک
میں نے اسی کو مار ڈالا
اور جا کر چھپ گیا خود قبر کے تختوں کے پیچھے
منوں مٹی کے نیچے
شارق کیفی
jit gaya jit gaya
aao
ab DhūñDo mujhe
phisaDDī keh ke mujh ko chheḌne vaalo
harāo ab mujhe
haañ mujhe bhī khel lagtā thā ye sab kuchh ibtidā meñ
magar ye bhī to socho
musalsal haar koī khel hai jo khel is ko maan letā maiñ
kahāñ tak hārtā maiñ?
mire chhupne ke sab kone ujāgar ho ga.e the
bahut āsān hotā jā rahā thā DhūñDnā mujh ko
mujhe ab jītnā thā
kisī qīmat pe mujh ko jītnā thā
so maiñ ne ye kiyā
vo aahaT jo mirī dushman rahī thī aaj tak
maiñ ne usī ko maar Daalā
aur jā kar chhup gayā ḳhud qabr ke taḳhtoñ ke pīchhe
manoñ miTTī ke nīche
شاعر کے بارے میں
شارق کیفی عہدِ حاضر کے اہم اردو شعرا میں شمار ہوتے ہیں جنہوں نے اپنی منفرد فکری بصیرت، سادہ مگر پُراثر اسلوب اور عصری شعور کے باعث ادبی دنیا میں نمایاں مقام حاصل کیا۔ 1961ء میں بریلی، اتر پردیش میں پیدا ہونے والے شارق کیفی کو ادبی ذوق اپنے خاندانی ماحول سے وراثت میں ملا۔ ان کے والد کیفی وجدانی (سید رفاقت حسین) خود ایک معتبر شاعر تھے، چنانچہ شعری...
مکمل تعارف پڑھیں