جو کہتا ہے کہ دریا دیکھ آیا — شارق کیفی
شاعر
جو کہتا ہے کہ دریا دیکھ آیا
جو کہتا ہے کہ دریا دیکھ آیا
غلط موسم میں صحرا دیکھ آیا
ڈگر اور منزلیں تو ایک سی تھیں
وہ پھر مجھ سے جدا کیا دیکھ آیا
ہر اک منظر کے پس منظر تھے اتنے
بہت کچھ بے ارادہ دیکھ آیا
کسی کو خاک دے کر آ رہا ہوں
زمیں کا اصل چہرہ دیکھ آیا
رکا محفل میں اتنی دیر تک میں
اجالوں کا بڑھاپا دیکھ آیا
تسلی اب ہوئی کچھ دل کو میرے
تری گلیوں کو سونا دیکھ آیا
تماشائی میں جاں اٹکی ہوئی تھی
پلٹ کر پھر کنارہ دیکھ آیا
بہت گدلا تھا پانی اس ندی کا
مگر میں اپنا چہرہ دیکھ آیا
میں اس حیرت میں شامل ہوں تو کیسے
نہ جانے وہ کہاں کیا دیکھ آیا
وہ منظر دائمی اتنا حسیں تھا
کہ میں ہی کچھ زیادہ دیکھ آیا
شارق کیفی
jo kahta hai ki dariya dekh aaya
jo kahtā hai ki dariyā dekh aayā
ġhalat mausam meñ sahrā dekh aayā
Dagar aur manzileñ to ek sī thiiñ
vo phir mujh se judā kyā dekh aayā
har ik manzar ke pas-manzar the itne
bahut kuchh be-irāda dekh aayā
kisī ko ḳhaak de kar aa rahā huuñ
zamīñ kā asl chehra dekh aayā
rukā mahfil meñ itnī der tak maiñ
ujāloñ kā buḌhāpā dekh aayā
tasallī ab huī kuchh dil ko mere
tirī galiyoñ ko suunā dekh aayā
tamāshā.ī meñ jaañ aTkī huī thī
palaT kar phir kināra dekh aayā
bahut gadlā thā paanī is nadī kā
magar maiñ apnā chehra dekh aayā
maiñ is hairat meñ shāmil huuñ to kaise
na jaane vo kahāñ kyā dekh aayā
vo manzar dā.imī itnā hasīñ thā
ki maiñ hī kuchh ziyāda dekh aayā
شاعر کے بارے میں
شارق کیفی عہدِ حاضر کے اہم اردو شعرا میں شمار ہوتے ہیں جنہوں نے اپنی منفرد فکری بصیرت، سادہ مگر پُراثر اسلوب اور عصری شعور کے باعث ادبی دنیا میں نمایاں مقام حاصل کیا۔ 1961ء میں بریلی، اتر پردیش میں پیدا ہونے والے شارق کیفی کو ادبی ذوق اپنے خاندانی ماحول سے وراثت میں ملا۔ ان کے والد کیفی وجدانی (سید رفاقت حسین) خود ایک معتبر شاعر تھے، چنانچہ شعری...
مکمل تعارف پڑھیں