کبھی جو ہم ذرا بہت سنبھل گئے — شارق کیفی
شاعر
کبھی جو ہم ذرا بہت سنبھل گئے
کبھی جو ہم ذرا بہت سنبھل گئے
تو چھانو چھانو دھوپ میں نکل گئے
مرے لیے بھی تو خدا نہیں رہا
ترے گناہ گار بھی بدل گئے
نہ جانے کیسی شکل دیتے آج کو
وہ فیصلے جو ہوتے ہوتے ٹل گئے
ملے ہیں جو ہمیں یہ کانچ کے بدن
کمال ہے کہ اتنے روز چل گئے
یہ خوف کھائے جا رہا ہے اب مجھے
اگر کبھی تماشبیں بدل گئے
جدائی کہہ لیے اسے کہ اور کچھ
ہم ایک دوسرے کے سر سے ٹل گئے
سوال ہی کو اوڑھیے بچھائیے
جواب مانگنے کے دن نکل گئے
شارق کیفی
kabhi jo hum zara bahut sanbhal gae
kabhī jo ham zarā bahut sañbhal ga.e
to chhāñv chhāñv dhuup meñ nikal ga.e
mire liye bhī to ḳhudā nahīñ rahā
tire gunāhgār bhī badal ga.e
na jaane kaisī shakl dete aaj ko
vo faisle jo hote-hote Tal ga.e
mile haiñ jo hameñ ye kāñch ke badan
kamāl hai ki itne roz chal ga.e
ye ḳhauf khaa.e jā rahā hai ab mujhe
agar kabhī tamāshbīñ badal ga.e
judā.ī kah liye ise ki aur kuchh
ham ek-dūsre ke sar se Tal ga.e
savāl hī ko oḌhiye bichhā.iye
javāb māñgne ke din nikal ga.e
شاعر کے بارے میں
شارق کیفی عہدِ حاضر کے اہم اردو شعرا میں شمار ہوتے ہیں جنہوں نے اپنی منفرد فکری بصیرت، سادہ مگر پُراثر اسلوب اور عصری شعور کے باعث ادبی دنیا میں نمایاں مقام حاصل کیا۔ 1961ء میں بریلی، اتر پردیش میں پیدا ہونے والے شارق کیفی کو ادبی ذوق اپنے خاندانی ماحول سے وراثت میں ملا۔ ان کے والد کیفی وجدانی (سید رفاقت حسین) خود ایک معتبر شاعر تھے، چنانچہ شعری...
مکمل تعارف پڑھیں