کٹے گی کیسے ہماری وہاں پہ جائے بغیر — شارق کیفی
شاعر
کٹے گی کیسے ہماری وہاں پہ جائے بغیر
کٹے گی کیسے ہماری وہاں پہ جائے بغیر
چلے تو آئے ہیں شارقؔ اسے منائے بغیر
عجب طرح کے ملے رہ گذار عشق میں لوگ
کوئی گیا ہی نہیں راستہ بتائے بغیر
اداس ہوں کہ مرا کھیل ختم ہو ہی گیا
تماشبین کی کچھ بھی سمجھ میں آئے بغیر
اب ایک جسم ہے اور بین کرتے کچھ احباب
چلے گئے ہیں کہاں خود کو ہم بتائے بغیر
تمہارے ہجر کا احسان ہم پہ صد احسان
یہ تجربہ کسے ہوتا ہے موت آئے بغیر
شارق کیفی
kaTegi kaise hamari wahan pe jae baghair
kaTegī kaise hamārī vahāñ pe jaa.e baġhair
chale to aa.e haiñ 'shāriq' use manā.e baġhair
'ajab tarah ke mile rah-guzār-e-'ishq meñ log
koī gayā hī nahīñ rāsta batā.e baġhair
udaas huuñ ki mirā khel ḳhatm ho hī gayā
tamāshbīn kī kuchh bhī samajh meñ aa.e baġhair
ab ek jism hai aur bain karte kuchh ahbāb
chale ga.e haiñ kahāñ ḳhud ko ham batā.e baġhair
tumhāre hijr kā ehsān ham pe sad-ehsān
ye tajraba kise hotā hai maut aa.e baġhair
شاعر کے بارے میں
شارق کیفی عہدِ حاضر کے اہم اردو شعرا میں شمار ہوتے ہیں جنہوں نے اپنی منفرد فکری بصیرت، سادہ مگر پُراثر اسلوب اور عصری شعور کے باعث ادبی دنیا میں نمایاں مقام حاصل کیا۔ 1961ء میں بریلی، اتر پردیش میں پیدا ہونے والے شارق کیفی کو ادبی ذوق اپنے خاندانی ماحول سے وراثت میں ملا۔ ان کے والد کیفی وجدانی (سید رفاقت حسین) خود ایک معتبر شاعر تھے، چنانچہ شعری...
مکمل تعارف پڑھیں