کون کہے معصوم ہمارا بچپن تھا — شارق کیفی
شاعر
کون کہے معصوم ہمارا بچپن تھا
کون کہے معصوم ہمارا بچپن تھا
کھیل میں بھی تو آدھا آدھا آنگن تھا
کانچ کی چوڑی لے کر میں جب تک لوٹا
اس کے ہاتھوں میں سونے کا کنگن تھا
جو بھی ملا سب بانٹ لیا تھا آپس میں
ایک تھے ہم اور ایک ہی اپنا برتن تھا
عکس نہیں تھا رنگوں کی بوچھاریں تھیں
روپ سے اس کے سہما ہوا ہر درپن تھا
رو دھو کر سو جاتا لیکن درد ترا
اک اک بوند نچوڑنے والا ساون تھا
تجھ سے بچھڑ کر اور تری یاد آئے گی
شاید ایسا سوچنا میرا بچپن تھا
شارق کیفی
kaun kahe masum hamara bachpan tha
kaun kahe ma.asūm hamārā bachpan thā
khel meñ bhī to aadhā aadhā āñgan thā
kāñch kī chūḌī le kar maiñ jab tak lauTā
us ke hāthoñ meñ sone kā kañgan thā
jo bhī milā sab baañT liyā thā aapas meñ
ek the ham aur ek hī apnā bartan thā
aks nahīñ thā rañgoñ kī bauchhāreñ thiiñ
ruup se us ke sahmā huā har darpan thā
ro-dho kar so jaatā lekin dard tirā
ik ik buuñd nichoḌne vaalā sāvan thā
tujh se bichhaḌ kar aur tirī yaad aa.egī
shāyad aisā sochnā merā bachpan thā
شاعر کے بارے میں
شارق کیفی عہدِ حاضر کے اہم اردو شعرا میں شمار ہوتے ہیں جنہوں نے اپنی منفرد فکری بصیرت، سادہ مگر پُراثر اسلوب اور عصری شعور کے باعث ادبی دنیا میں نمایاں مقام حاصل کیا۔ 1961ء میں بریلی، اتر پردیش میں پیدا ہونے والے شارق کیفی کو ادبی ذوق اپنے خاندانی ماحول سے وراثت میں ملا۔ ان کے والد کیفی وجدانی (سید رفاقت حسین) خود ایک معتبر شاعر تھے، چنانچہ شعری...
مکمل تعارف پڑھیں