خموشی بس خموشی تھی اجازت اب ہوئی ہے — شارق کیفی
شاعر
خموشی بس خموشی تھی اجازت اب ہوئی ہے
خموشی بس خموشی تھی اجازت اب ہوئی ہے
اشاروں کو ترے پڑھنے کی جرأت اب ہوئی ہے
عجب لہجے میں کرتے تھے در و دیوار باتیں
مرے گھر کو بھی شاید میری عادت اب ہوئی ہے
گماں ہوں یا حقیقت سوچنے کا وقت کب تک
یہ ہو کر بھی نہ ہونے کی مصیبت اب ہوئی ہے
اچانک ہڑبڑا کر نیند سے میں جاگ اٹھا ہوں
پرانا واقعہ ہے جس پہ حیرت اب ہوئی ہے
یہی کمرہ تھا جس میں چین سے ہم جی رہے تھے
یہ تنہائی تو اتنی بے مروت اب ہوئی ہے
بچھڑنا ہے ہمیں اک دن یہ دونوں جانتے تھے
فقط ہم کو جدا ہونے کی فرصت اب ہوئی ہے
عجب تھا مسئلہ اپنا عجب شرمندگی تھی
خفا جس رات پر تھے وہ شرارت اب ہوئی ہے
محبت کو تری کب سے لیے بیٹھے تھے دل میں
مگر اس بات کو کہنے کی ہمت اب ہوئی ہے
شارق کیفی
KHamoshi bas KHamoshi thi ijazat ab hui hai
ḳhamoshī bas ḳhamoshī thī ijāzat ab huī hai
ishāroñ ko tire paḌhne kī jur.at ab huī hai
ajab lahje meñ karte the dar-o-dīvār bāteñ
mire ghar ko bhī shāyad merī aadat ab huī hai
gumāñ huuñ yā haqīqat sochne kā vaqt kab tak
ye ho kar bhī na hone kī musībat ab huī hai
achānak haḌbaḌā kar niiñd se maiñ jaag uThā huuñ
purānā vāqi.a hai jis pe hairat ab huī hai
yahī kamra thā jis meñ chain se ham jī rahe the
ye tanhā.ī to itnī be-muravvat ab huī hai
bichhaḌnā hai hameñ ik din ye donoñ jānte the
faqat ham ko judā hone kī fursat ab huī hai
ajab thā mas.ala apnā ajab sharmindagī thī
ḳhafā jis raat par the vo sharārat ab huī hai
mohabbat ko tirī kab se liye baiThe the dil meñ
magar is baat ko kahne kī himmat ab huī hai
شاعر کے بارے میں
شارق کیفی عہدِ حاضر کے اہم اردو شعرا میں شمار ہوتے ہیں جنہوں نے اپنی منفرد فکری بصیرت، سادہ مگر پُراثر اسلوب اور عصری شعور کے باعث ادبی دنیا میں نمایاں مقام حاصل کیا۔ 1961ء میں بریلی، اتر پردیش میں پیدا ہونے والے شارق کیفی کو ادبی ذوق اپنے خاندانی ماحول سے وراثت میں ملا۔ ان کے والد کیفی وجدانی (سید رفاقت حسین) خود ایک معتبر شاعر تھے، چنانچہ شعری...
مکمل تعارف پڑھیں