ختم خود پر سفر کیا ہم نے — شارق کیفی
شاعر
ختم خود پر سفر کیا ہم نے
ختم خود پر سفر کیا ہم نے
اور ترے نام پر کیا ہم نے
یوں تو سارا جہان اپنا تھا
پھر بھی اک اپنا گھر کیا ہم نے
پہلے دل میں اسے مقیم کیا
پھر اسے دل کا ڈر کیا ہم نے
دشمنی تھی ہماری گلچیں سے
وار اک پھول پر کیا ہم نے
سوچتے ہیں تو شرم آتی ہے
جو ترے نام پر کیا ہم نے
کچھ ہی پل میں اتر گیا تھا سرور
رقص کیوں رات بھر کیا ہم نے
شارق کیفی
KHatm KHud par safar kiya humne
ḳhatm ḳhud par safar kiyā ham ne
aur tire naam par kiyā ham ne
yuuñ to saarā jahān apnā thā
phir bhī ik apnā ghar kiyā ham ne
pahle dil meñ use muqīm kiyā
phir use dil kā Dar kiyā ham ne
dushmanī thī hamārī gulchīñ se
vaar ik phuul par kiyā ham ne
sochte haiñ to sharm aatī hai
jo tire naam par kiyā ham ne
kuchh hī pal meñ utar gayā thā surūr
raqs kyoñ rāt-bhar kiyā ham ne
شاعر کے بارے میں
شارق کیفی عہدِ حاضر کے اہم اردو شعرا میں شمار ہوتے ہیں جنہوں نے اپنی منفرد فکری بصیرت، سادہ مگر پُراثر اسلوب اور عصری شعور کے باعث ادبی دنیا میں نمایاں مقام حاصل کیا۔ 1961ء میں بریلی، اتر پردیش میں پیدا ہونے والے شارق کیفی کو ادبی ذوق اپنے خاندانی ماحول سے وراثت میں ملا۔ ان کے والد کیفی وجدانی (سید رفاقت حسین) خود ایک معتبر شاعر تھے، چنانچہ شعری...
مکمل تعارف پڑھیں