خیال سا ہے کہ تو سامنے کھڑا تھا ابھی — شارق کیفی
شاعر
خیال سا ہے کہ تو سامنے کھڑا تھا ابھی
خیال سا ہے کہ تو سامنے کھڑا تھا ابھی
غنودگی میں ہوں شاید میں سو گیا تھا ابھی
پھر اس کی شکل خیالوں میں صاف بننے لگی
یہ مسئلہ تو وہی ہے جو حل ہوا تھا ابھی
سنا ہے پھر کوئی مجھ کو بچانا چاہتا ہے
کسی طرح تو مرا فیصلہ ہوا تھا ابھی
یہیں کھڑا تھا وہ آنکھوں میں کتنے خواب لیے
میں اس کو اس کا نیا گھر دکھا رہا تھا ابھی
اسی کے بارے میں سوچا تو کچھ نہ تھا معلوم
اسی کے بارے میں اتنا کہا سنا تھا ابھی
شارق کیفی
KHayal sa hai ki tu samne khaDa tha abhi
ḳhayāl sā hai ki tū sāmne khaḌā thā abhī
ġhunūdgī meñ huuñ shāyad maiñ so gayā thā abhī
phir us kī shakl ḳhayāloñ meñ saaf banñe lagī
ye mas.ala to vahī hai jo hal huā thā abhī
sunā hai phir koī mujh ko bachānā chāhtā hai
kisī tarah to mirā faisla huā thā abhī
yahīñ khaḌā thā vo āñkhoñ meñ kitne ḳhvāb liye
maiñ us ko us kā nayā ghar dikhā rahā thā abhī
usī ke baare meñ sochā to kuchh na thā mā'lūm
usī ke baare meñ itnā kahā sunā thā abhī
شاعر کے بارے میں
شارق کیفی عہدِ حاضر کے اہم اردو شعرا میں شمار ہوتے ہیں جنہوں نے اپنی منفرد فکری بصیرت، سادہ مگر پُراثر اسلوب اور عصری شعور کے باعث ادبی دنیا میں نمایاں مقام حاصل کیا۔ 1961ء میں بریلی، اتر پردیش میں پیدا ہونے والے شارق کیفی کو ادبی ذوق اپنے خاندانی ماحول سے وراثت میں ملا۔ ان کے والد کیفی وجدانی (سید رفاقت حسین) خود ایک معتبر شاعر تھے، چنانچہ شعری...
مکمل تعارف پڑھیں