خود کو اتنا دنیا دار نہیں کر سکتے — شارق کیفی
شاعر
خود کو اتنا دنیا دار نہیں کر سکتے
خود کو اتنا دنیا دار نہیں کر سکتے
آدھے دل سے پورا پیار نہیں کر سکتے
رشتے توڑے ملاحوں سے ناؤ جلا دی
اب ہم دونوں دریا پار نہیں کر سکتے
جتنا شور مچاتے ہیں یہ جھوٹھے عاشق
اتنا تو سچے بیمار نہیں کر سکتے
ویسے تو مشہور ہے اپنی ہمت لیکن
آئینے سے آنکھیں چار نہیں کر سکتے
یہ بھی اک ترکیب ہے دشمن سے لڑنے کی
گلے لگا لو جس پر وار نہیں کر سکتے
تیری گلی میں کب آئے تھے یاد نہیں ہے
ویسے ہم اک دن بے کار نہیں کر سکتے
شارق کیفی
KHud ko itna duniya-dar nahin kar sakte
ḳhud ko itnā duniyā-dār nahīñ kar sakte
aadhe dil se puurā pyaar nahīñ kar sakte
rishte toḌe mallāhoñ se naav jalā dī
ab ham donoñ dariyā paar nahīñ kar sakte
jitnā shor machāte haiñ ye jhūThe 'āshiq
utnā to sachche bīmār nahīñ kar sakte
vaise to mash.hūr hai apnī himmat lekin
ā.īne se āñkheñ chaar nahīñ kar sakte
ye bhī ik tarkīb hai dushman se laḌne kī
gale lagā lo jis par vaar nahīñ kar sakte
terī galī meñ kab aa.e the yaad nahīñ hai
vaise ham ik din bekār nahīñ kar sakte
شاعر کے بارے میں
شارق کیفی عہدِ حاضر کے اہم اردو شعرا میں شمار ہوتے ہیں جنہوں نے اپنی منفرد فکری بصیرت، سادہ مگر پُراثر اسلوب اور عصری شعور کے باعث ادبی دنیا میں نمایاں مقام حاصل کیا۔ 1961ء میں بریلی، اتر پردیش میں پیدا ہونے والے شارق کیفی کو ادبی ذوق اپنے خاندانی ماحول سے وراثت میں ملا۔ ان کے والد کیفی وجدانی (سید رفاقت حسین) خود ایک معتبر شاعر تھے، چنانچہ شعری...
مکمل تعارف پڑھیں