خواب ویسے تو اک عنایت ہے — شارق کیفی
شاعر
خواب ویسے تو اک عنایت ہے
خواب ویسے تو اک عنایت ہے
آنکھ کھل جائے تو مصیبت ہے
جسم آیا کسی کے حصے میں
دل کسی اور کی امانت ہے
جان دینے کا وقت آ ہی گیا
اس تماشے کے بعد فرصت ہے
عمر بھر جس کے مشوروں پہ چلے
وہ پریشان ہے تو حیرت ہے
اب سنورنے کا وقت اس کو نہیں
جب ہمیں دیکھنے کی فرصت ہے
اس پہ اتنے ہی رنگ کھلتے ہیں
جس کی آنکھوں میں جتنی حیرت ہے
شارق کیفی
KHwab waise to ek inayat hai
ḳhvāb vaise to ik ināyat hai
aañkh khul jaa.e to musībat hai
jism aayā kisī ke hisse meñ
dil kisī aur kī amānat hai
jaan dene kā vaqt aa hī gayā
is tamāshe ke ba.ad fursat hai
umr bhar jis ke mashvaroñ pe chale
vo pareshān hai to hairat hai
ab sañvarne kā vaqt us ko nahīñ
jab hameñ dekhne kī fursat hai
us pe utne hī rañg khulte haiñ
jis kī āñkhoñ meñ jitnī hairat hai
شاعر کے بارے میں
شارق کیفی عہدِ حاضر کے اہم اردو شعرا میں شمار ہوتے ہیں جنہوں نے اپنی منفرد فکری بصیرت، سادہ مگر پُراثر اسلوب اور عصری شعور کے باعث ادبی دنیا میں نمایاں مقام حاصل کیا۔ 1961ء میں بریلی، اتر پردیش میں پیدا ہونے والے شارق کیفی کو ادبی ذوق اپنے خاندانی ماحول سے وراثت میں ملا۔ ان کے والد کیفی وجدانی (سید رفاقت حسین) خود ایک معتبر شاعر تھے، چنانچہ شعری...
مکمل تعارف پڑھیں